台灣同日本好近似，動漫氣氛都好濃烈，最近高雄捷運就有呢架「高捷少女痛車」誕生，架車由即日起至11月1日喺高雄捷運橘線行駛，合共有4位高捷少女成員登場，睇落畫功唔錯，網上仲有「下一站．與你」PV試聽版聽，萌爆！開幕當日有少女扮服務員同Lolita做宣傳，好多動漫迷都專程去影相，件事傳到去日本，網民反應好熱烈，大讚：「架車超乎想像地痛，超越日本！」、「不過啲台灣Lolita打扮嘅女仔就醜咗啲‥‥‥」、「畫風勁似日本嘅萌畫。」去開台灣旅行嘅可以去撞吓彩。BTW，8月31日前仲有架One Piece海賊王列車喺高雄捷運紅線行駛，動漫迷好忙。

就係呢張相引起日本網民對台灣女仔嘅爭議。

由於橘線鹽埕埔站係高捷少女嘅誕生車站，去到呢個站仲會有成架痛車嘅主題設計參觀。

資料來源：2CH 、自由時報

想即時睇到更多日本文化、ACG、網絡最新資訊，請即加入facebook！
https://www.facebook.com/GameoverHK

相關資訊

• 日本溶化圖集 蠟燭寵物USB齊齊熱到溶 (Jul 31, 2015)

• 【開個價嚟】日本小學生暑期請槍做作業 需求增5倍 代畫畫都有市 (Jul 30, 2015)