叱咤2023︳尹光打入我最喜愛的男歌手十強 同MIRROR 6子 MC張天賦林家謙張敬軒爭入五強

「叱咤樂壇流行榜頒獎典禮」由樂迷投選嘅我最喜愛的男、女歌手及組合大獎，本周展開第一輪投票，並於今日中午截止。商台隨即公布三個組別進入十強名單 －

近日被唔少網民力推佢上叱咤台嘅尹光順利打入十強。而早前公布12強名單中，有6位MIRROR成員入圍，包括江𤒹生、呂爵安、姜濤、柳應廷、陳卓賢及盧瀚霆，佢地都全部躋身10強。其餘殺入下一輪投票嘅仲有MC 張天賦、林家謙及張敬軒。

女歌手方面，一度打入12強嘅AGA同鄭秀文最終未能晉身下一輪投票，而COLLAR成員Marf 邱彥筒，以及同樣出身自《全民造星4》嘅sica何洛瑤都殺入十強，同友台歌手炎明熹一較高下。

我最喜愛的組合十強當然MIRROR份，而被指聲勢更勝COLLAR嘅女團Lolly Talk都打入十強。我最喜愛的男、女歌手及組合大獎第二階段投票將於下星期一（11月20日）中午12時正式展開，於下星期五（11月24日）截止。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！