合唱歌錄足3日 古巨基教Edan演住唱

基仔送上E字生日蛋糕,襯晒Edan呢個「E先生」。
基仔送上E字生日蛋糕,襯晒Edan呢個「E先生」。

古巨基的全新音樂企劃《I Really Love To Sing》,邀得MIRROR成員Edan合唱其金曲《飄流教室》,前晚基仔上載錄音花絮,表示因首度合作而提早10分鐘到錄音室,怎料Edan比他更早,可見對方誠意十足。Edan自爆錄其中一句歌詞「讓每一次亦似初戀第一次」最難忘,足足花了1個鐘,而整首歌花了3日才完成。

基仔除身兼主唱及監製重任外,還化身「古Sir」向Edan傳授心得,包括演繹上的引導、感情發揮等,Edan說:「古Sir教咗我好多唱歌上要注意嘅嘢,好似呼吸、咬字、感情,最深刻係教我唱歌同講台詞一樣,用演戲嘅方式去唱,對我嚟講好有啟發性。」基仔則讚Edan吸收力強,可能跟演戲經驗有關。最後一日錄音臨近Edan生日,基仔送上有「E」字的禮服蛋糕,而歌曲在多個平台成為8榜No.1,堪稱最佳禮物。

基仔在錄音室親自指導,令Edan獲益良多。
基仔在錄音室親自指導,令Edan獲益良多。