向佐疑未見過碌架床強調瞓4人室友感疑惑 網民感震驚直指離地

向佐有份參與內地綜藝節目《無限超越班2》拍攝，除咗表演話劇《莫札特之死》惹關注，向佐疑似未見過碌架床一事令唔少網民大震驚，更指佢直情離晒地。

向佐近年積極發展演藝事業，進軍直播帶貨，早前亦出演內地綜藝節目《無限超越班2》，希望於節目分享更多和向導師們學習吸收更多，佢亦於微博寫道：「希望終有一天，大家能記住：我是演員向佐」。《無限超越班2》安排男女學員分開入住宿舍，向佐被安排住喺8人房，佢亦係首位入住男生宿舍嘅嘉賓；剛到埗時，向佐與老婆郭碧婷視像通話，向其表示四名男生會住呢個宿舍。隨後，向佐出外搵同住室友，內地男星何洛洛表示唔知一間房住幾多人，向佐堅定地講：「四個啊」，當入到房後，向佐再次指有四個床位，其他學員感到疑惑，內地男星朱梓驍則表示：「八個人，八個人一屋」。此時，向佐就指住擺喺中間嘅長枱語出驚人反問：「這裡住人嗎？這裡是桌子吧」，最後對方則表明上下鋪可以瞓兩個人，向佐又再逐個床位數先確定原來真係8個人；向佐呢番行為引起網民震驚，唔少網民都質疑向佐係咪因為自細家世顯赫未見過碌架床設計，直指佢嬌生慣養又離地。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！