周嘉洛被打回原形不再受寵愛？網民：越撈越霉咁

周嘉洛於TVB處境劇《愛·回家之開心速遞》飾演「廢青安」金城安，有指兩年前因為要拍攝其他劇集而離開劇組，直至較早前終於「回家」，劇組安排周嘉洛返港擔任吳旺達駐港領事；日前更孖住劉丹、單立文、吳偉豪等出席活動。不過，周嘉洛就被指好似越撈越霉。

周嘉洛勇奪《萬千星輝頒獎典禮2019》「最佳男配角」一獎；又於今年1月奪得萬千星輝頒獎典禮2022「最受歡迎電視男角色」。周嘉洛今年雖然有劇集輪流播出，例如《新四十二章》、《寵愛Pet Pet》和《羅密歐與祝英台》，惟反應均不似預期，就連「安記海味」鮑魚廣告都冇埋，由《季前賽》童星「老闆仔」黃梓樂取代。

有唔少網民直指周嘉洛因劇集監製陳維冠錯誤Casting累事，例如安排周嘉洛於《新四十二章》搭配短髮江嘉敏，而《羅密歐與祝英台》就搭配游嘉欣，無論對手定劇情都出事。然而，對比與周嘉洛喺《愛·回家之開心速遞》飾演好兄弟嘅「朱凌凌」吳偉豪，除咗有爸爸吳大強帶挈密密接job之外，佢仲有份出演航空劇《飛常日誌》，又將接拍《非份之罪》演出其中一個單元「危險遊戲」，似乎有望上位。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！