周家蔚解父女心結

周家蔚開心表示與家人關係更勝從前。
周家蔚開心表示與家人關係更勝從前。

藝人周家蔚昨日到觀塘出席活動,透露早前花了3個月時間參加自學課程,成功改善與家人的關係,老公洪天明更搞笑向身邊人推薦,叫已婚男士鼓勵太太做家蔚的「師妹」!

家蔚說:「個課程係爸爸讀完,再叫我去上堂,我哋兩父女以往長期分隔兩地,少溝通有好多心結未解,依家可以話全無芥蒂。我驚覺原生家庭嘅問題直接影響我同天明嘅關係。」她自覺轉變十分明顯:「好似大仔喺讀書方面冇乜自控性,以前我淨係識鬧,依家會同佢一齊學中文,媽咪話最成功係佢覺得連天明都冇咁驚我喇!」

談到近日被拍得帶囝囝去探老公班放閃,她笑說:「兩個仔探完班話想出鏡。(比佢哋入行?)以前會驚佢哋辛苦,依家覺得冇所謂,佢哋條路要自己闖出嚟。」