咖啡渣升級再造變堆肥 混飲管紙巾礙回收 環保社企：「乾淨回收」是個人責任｜Yahoo

綠行俠共同創辦人、業務發展總監譚沛楹（Peann） 憶述，2014 年創辦綠行俠時，社會上環保風氣以及配套還未很成熟，「成立嘅初衷係想畀大家做環保呢件事可以簡單啲、輕鬆啲。」

Peann 最初由處理廚餘回收開始，「實際去營運的時候，就發現其實都有好多操作上嘅困難。」他們曾經協助屋苑推行廚餘回收計劃，但因屋苑及居民方面欠缺誘因回收廚餘，較難推動有關工作。後來她跟拍擋調整策略，決定以單一種類的廚餘入手，「探索過譬如茶渣、豆渣，甚至是一些水果皮、中藥渣。」最終決定選擇咖啡渣，是基於較易尋找合作單位，以及升級再造的潛力，「呢樣好重要，因為我哋唔只要收，收完之後可以做到其他嘢、做完嘅產品係可以賣得出去，咁先會做到循環，令到收返嚟嘅物料係真係有用。」

累積回收172.2噸 來自逾600萬杯咖啡

目前綠行俠有提供咖啡渣回收的服務，按照地區每次收費 250 至 380 元不等，主要是跟不同公司合作，每一至兩星期到辦公室收取咖啡渣，至今累積已回收咖啡渣 172.2 噸，相等於逾 600 萬杯咖啡。目前合作的公司約 30 間，「我哋主要唔係做咖啡店，好多時係做辦公室、寫字樓，因為未必每間小店都有呢個預算。」Peann 坦言，最初推出這個收費項目遇到困難，「有少少打破大家對於回收嘅概念，因為大家可能會覺得，例如我拿紙皮回收，係可以拎返錢。」

然而，作為一間社企，需要自負盈虧，並非依靠資助來營運，所有工序都需要成本，「由出車、搬運、再到磅重、入機處理、包裝…加埋廠房要畀租金，呢啲都係好實在嘅營運成本。」Peann 表示，服務推出至今多年，現在已經很少被人查詢是否免費回收，「頭兩年係最唔理解，依家大家已經理解到呢件事係要成本，社企嘅概念都開始成熟啲。」

過去綠行俠所收集回來的咖啡渣，偶爾都會混雜一些雜質，「例如會有飲管、膠手套、紙巾，如果收返嚟雜質好多，我哋處理成本都好高。」Peann 解釋，如果不知回收物料來自甚麼人或機構，就會較大機會出現雜質。故此綠行俠目前均會為合作的公司作記錄，收回來的咖啡渣雜質普遍較少，「因為我們有記錄，知道是哪一個。如果恆常有雜質的話，我們基本上會暫停服務。」這也是 Peann 並不打算推行「免費回收」咖啡渣的原因，「當呢件事成為捐贈嘅時候，捐贈人士對於佢哋回收物嘅責任感會降到好低，就係當我嘅東西都係捐畀你，即使裏面有雜質都唔會好 care。」

公眾回收意識提升「知道係自己嘅責任」

今年四月將實行垃圾徵費，Peann 認為公眾的相關意識也相應提高，「佢哋開始會有個概念，其實係需要污者自負，我諗呢個概念需要時間慢慢去令大家明白。」Peann 希望透過公眾教育，令社會理解乾淨回收的重要。綠行俠過去舉辦不同升級再造的工作坊，向參與者傳遞責任的意識，「呢幾年都感覺到有轉變，由以往覺得回收係別人責任，慢慢依家知道係自己嘅責任。」

綠行俠 2020 年設「咖啡基地」廠房，將回收的咖啡渣分類、磨研、生產、研發成多種不同產品。Peann 說，現在每天大約能夠處理 200 公斤左右咖啡渣，「一星期大約有一噸」。咖啡渣經處理後可發酵製成堆肥捐贈予本地農場使用，「我哋都認識到好多好好嘅農友，我覺得喺社區上可以用到呢啲資源都係好。」咖啡渣也會升級成各樣產品，例如手工皂、花盆等。

她也觀察到近年公眾對於咖啡渣的回收及使用意識亦有提高，亦有連鎖快餐店或咖啡店免費供應咖啡渣予有需要的人使用，「其實自己都可以處理到，例如都會用咖啡渣放雪櫃吸味，而我哋都會鼓勵大家用咗自己飲完嘅咖啡渣先。」