[唔使坐監] 羅鈞滿醉駕判100小時社會服務令停牌2年

多次涉及交通事故嘅32歲無綫藝人羅鈞滿於今年3月再次涉嫌醉駕，案件於5月11日喺觀塘法院提堂，當時羅鈞滿承認控罪。不過裁判官指被告體內酒精含量超標三倍，根據以往嘅案例都「坐得監」，所以決定先索取其感化及社會服務令報告，順延到今朝判刑。

去到今早9時，羅鈞滿身穿深色西裝、灰色領呔，表情嚴肅咁喺經理人陪同下現身觀塘法院應訊。期間佢一臉苦笑，心情似乎十分緊張。判官指羅鈞滿求情時有悔意，承諾不會再犯，所以最後判咗佢100小時社會服務令、停牌2年，同埋要上駕駛改進課程。

羅鈞滿離開法院時接受傳媒訪問時就表示：「我好尊重法庭嘅裁決，我覺得自己喺呢事情上做錯咗，得到呢個判決，可以做啲無償嘅工作回饋返社會，對自己都係一個好好嘅做法。」

被傳媒問到會唔會減少飲酒，他就話要在應酬中作選擇：「即係平時我唔係一個成日飲酒嘅人，我自己平時會成日做一啲運動，譬如打籃球，或者踢波咁樣樣，都知道飲酒對呢方面嘅表現唔係咁好，同埋都想保持自己狀態，啱啱好似你咁講，要選擇性，非必要都冇必要去飲酒。」不過飲完酒就一定唔會再走番上架車度，行離架車幾步咁話。

而佢仲好Man咁表示：「我都有做最壞嘅打算，我知自己喺今次件事上做錯咗，我由第一堂到o依家，我都冇聘請律師，因為我就係覺得自己做錯咗，一人做事一人當，我想自己去勇敢面對做錯呢件事情嘅後果。」

對於羅鈞滿呢個判決，網民有以下嘅意見：

希望佢以後真係唔好再犯啦！