唔想一人度蜜月？ 5個蜜月小貼士 最緊要四圍講

有人說，度蜜月係人生最快樂的時候，但當你book酒店機票之時，老公先話你聽去唔到，你會點？來自巴基斯坦嘅新婚夫婦Huma Mobin同Arsalaan Sever卻遇上呢個問題，老公竟然喺老婆計劃曬希臘行程之後，拎唔到簽證去渡蜜月！結果因為無法退款，老婆就同外母一齊去希臘，而且每到一個地方，都扮作攬實自己透明嘅老公一齊合照，加埋個古靈精怪表情，被唔少網民廣傳。

相片來源：Huma Mobin Facebook

不過呢個都只係特別例子，去得honeymoon緊係兩公婆孖實去。但結婚已經夠曬煩，仲要plan埋個歷時近半個月嘅旅程，真係好花時間心機，以下幾個計劃honeymoon小貼士，事前溝通多d，或許減少出現一個人度蜜月的機會。

1. 唔一定去蜜月勝地

話就話係蜜月旅行，又真係唔洗一定要去陽光與海灘、超豪resort之類，如果兩公婆都鐘意流浪，背包行一個月，都可以係一個超正的honeymoon，回憶都係屬於你兩個自己，最緊要兩個傾掂數。

2. mini moon一樣得

唔係下下十幾日歐遊，先算honey moon既，講真搞完婚禮，荷包都重創，仲要去旅行，返黎又要買樓供樓，你都咪話唔甘，所以近近地去轉東南亞都唔錯呀，兩公婆仲有成世人咁多時間，儲吓錢，過幾年一炮過去轉遠啲唔好？

3. 揀全包package

唔想爆budget，最簡單就係揀全包package，最好係乜都包曬，去到乜都唔洗點比錢既就最好，郵輪就係唔錯之選，兩個人三餐都包曬，消費又唔多，又無商場outlet引誘大家，得閒游吓水，訓吓晏覺，好一個寫意的造人之旅。

4. 比幾日自己放鬆先

搞完個婚禮都攰到死，仲要還婚紗，接完新娘屋企又未執，仲要即晚或者第朝即刻飛去honeymoon，真係搞乜都無力喇！所以話婚禮完咗，隔一兩日先飛，就最perfect喇！

5. 最緊要四圍講

同全世界講你地新婚，無論航空公司、酒店、租車公司、主題樂園等，分分鐘機位有得upgrade、酒店又有香檳送，總知就無蝕底。

相片來源：teryworldwanderlust@tumblr