噪音滋擾 搞足一年 被爆料郁吓投訴 馬浚偉揚言講事實

馬浚偉向來實話實說,有讀者爆料指他經常投訴所住的大廈有噪音,似情緒上受困擾,馬浚偉則坦言:「真係司馬昭之心,大家受噪音騷擾已有一年,事件已畀管理處處理。」

本報昨日收到讀者爆料,指有朋友跟藝人馬浚偉同住於尖沙咀一幢大廈,爆料人指馬浚偉每天都覺得有噪音般,經常報案及到管理處投訴,不少住客因而受到滋擾。據知,大廈因某些單位發生噪音問題,管理處已接到不少住戶求助,並已通知有關部門。

疑有人違規做Party Room

馬浚偉昨日受訪時坦言:「嗰個單位唔係我嘅,係我家人嘅,有時我會喺嗰度住同工作,但係嗰度經常有好多噪音,我同前後左右嘅鄰居經常受到噪音滋擾。其實我都係講番事實,都唔怕講,之前根據管理員講,有啲單位因為租咗畀人做Party Room,已經成年嘅事,本來都算,但成日有好多音樂、跳舞、打麻雀同其他噪音,管理處有同我講,好多業主因為擔心安全問題,唔敢投訴,但佢哋(管理處)已經幫我哋跟進,件事已經維持咗一整年,報咗好多次案,似乎係有違規情況。」

說到報料的人指他情緒上的問題,他說:「呢方面真係司馬昭之心!」並表示不論如何,都由管理處及相關部門處理。