【回顧2020.娛樂】娛圈喜事多藝人輪住結婚生BB 倪晨曦/譚凱琪/呂方雙喜臨門

【回顧2020.娛樂】娛圈喜事多藝人輪住結婚生BB 倪晨曦/譚凱琪/呂方雙喜臨門
【回顧2020.娛樂】娛圈喜事多藝人輪住結婚生BB 倪晨曦/譚凱琪/呂方雙喜臨門

2020年快將結束,香港新一輪新冠肺炎疫情持續,相信打亂咗唔少人結婚及生育計劃。不過今年嘅香港娛樂圈喜事依然冇停過,唔少藝人輪住同另一半拉埋天窗,例如袁偉豪與張寶兒、鄭俊弘與何雁詩及余香凝與圈外男友等等。至於生BB方面,同樣有唔少藝人榮升父母,當中包括羅子溢(前名:羅仲謙)與楊茜堯(前名:楊怡)、楊秀惠及林峯與張馨月等等,而倪晨曦、譚凱琪及呂方喺今年結婚又生BB,雙喜臨門添呀!今日就同大家回顧一下啦!

結婚篇

今年有唔少藝人與佢哋嘅Mr or Mrs. Right結婚,有人選擇低調簽字,亦有人選擇邀請一班親朋戚友見證佢哋「打風都打唔甩」嘅愛情,例如3月莊思敏與台灣珍珠奶茶店老闆Brian喺豪宅家中低調簽字行禮、11月袁偉豪與拍拖3年張寶兒於清水灣愛巢秘密註冊、11月鄭俊弘與拍拖兩年半何雁詩與沙田一間酒店嘅戶外園林草地舉行婚禮、12月袁文傑與拍拖9年張潔蓮低調入紙結婚等等。

11月袁偉豪與拍拖3年張寶兒於清水灣愛巢秘密註冊
11月袁偉豪與拍拖3年張寶兒於清水灣愛巢秘密註冊
11月鄭俊弘與拍拖兩年半何雁詩與沙田一間酒店嘅戶外園林草地舉行婚禮
11月鄭俊弘與拍拖兩年半何雁詩與沙田一間酒店嘅戶外園林草地舉行婚禮

除咗以上藝人之外,今年結婚嘅仲有姜麗文與工程師男友Pakho、譚凱琪與莊日宇、蘇玉華與潘燦良、呂方與伍惠寶、倪晨曦與圈外男友吳嘉釗、陳惠敏與吳國英、羅孝勇與王丹妮、林熹瞳與圈外何姓男友、余香凝與圈外男友陸政渡、莊韻澄與經理人呂成忠、岑珈其與圈外女友、岑杏賢與圈外男友張嘉俊、仙樂都與梁國鋒、駱胤鳴與圈外男友彭嘉彬等等,真係恭喜晒以上咁多對新人呀!

生B篇

今年有唔少藝人初為人父母,同時亦有唔少係再添B,例如2016結婚嘅羅子溢(前名:羅仲謙)&楊茜堯(前名:楊怡)結婚,於4月誕下囡囡「小珍珠」羅翊心、上年秘嫁圈外男友嘅楊秀惠,同樣於4月誕下囡囡VY榮升媽咪、雙喜臨門嘅譚凱琪(Zoie)喺今年3月與男友莊日宇低調結婚後,再於10月誕下囡囡Baby G、王祖藍與李亞男喺噚日(17日)宣布第二個愛情結晶 Hayley出生,再度榮升父母等等

羅子溢(前名:羅仲謙)&楊茜堯(前名:楊怡)於4月誕下囡囡「小珍珠」羅翊心
羅子溢(前名:羅仲謙)&楊茜堯(前名:楊怡)於4月誕下囡囡「小珍珠」羅翊心
王祖藍與李亞男喺噚日(17日)宣布再度榮升父母
王祖藍與李亞男喺噚日(17日)宣布再度榮升父母

除咗以上藝人之外,今年生B嘅仲有許懷谷、葉翠翠、楊思琦、許芷熒、梁競徽與Tina、伍家謙、陳小春與應采兒、周勵淇、陳山聰、鄭嘉穎與陳凱琳、羅力威與雨僑、呂方與伍惠寶、林峯與張馨月、陳智燊與宋熙年、陳嘉寶、向佐與郭碧婷、Robynn(葉晴晴)、倪晨曦、吳若希、陳明恩及余文樂等等。

今年三月譚凱琪(Zoie)與拍拖八年圈外男友莊日宇完婚
今年三月譚凱琪(Zoie)與拍拖八年圈外男友莊日宇完婚
11月岑杏賢與圈外男友張嘉俊低調註冊,升呢做人妻
11月岑杏賢與圈外男友張嘉俊低調註冊,升呢做人妻
11月岑珈其迎娶拍拖5年圈外女友
11月岑珈其迎娶拍拖5年圈外女友
陳凱琳於7月誕下細囝鄭承亮(Yannick),成功兩年抱兩
陳凱琳於7月誕下細囝鄭承亮(Yannick),成功兩年抱兩
女神倪晨曦(Elva)於11月順利產子
女神倪晨曦(Elva)於11月順利產子
楊秀惠於4月誕下囡囡VY榮升媽咪
楊秀惠於4月誕下囡囡VY榮升媽咪

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!