土瓜灣工廈實驗室回收廢塑膠 賦予第二生命 舊膠變新梳十分鐘就得
本港廢塑膠回收率偏低,如果不送堆填區,可如何再生?位於土瓜灣工廠區的自造者工作室「FabLab Tokwawan 」,有數台塑膠重塑的機器,將塑膠回收打碎成碎膠粒,再以高溫機器將膠粒熱溶,注模成為新的塑膠物品,為不同展覽及機構製造梳子、D 型扣環、拇指書頁架等產品,令廢塑膠有了第二生命。
文字記者:李雨夢
攝影記者:HLKP
FabLab Tokwawan 佔地一整層,甫進大門,首先映入眼簾的是偌大共用空間,然後是木工房、金工房,以及3D 打印機、雷射切割機等機器,還有屬於會員的固定工作室。負責人 Homan 說,FabLab(Fabrication Laboratory,製作實驗室)的概念源自美國麻省理工學院,該校有小型工廠幾乎可以製造任何產品,鼓勵自造者將概念化為現實,並在社群開放原始碼及分享知識,「大概已經有十年左右,然後散到全世界,依家大約有 2,000 幾間。」
FabLab Tokwawan 在疫情期間成立,至今兩年多,採會員制。Homan 表示,除了分享機器之外,「目前亦都係想引好多唔同背景嘅人過嚟,可以係一個共享空間、機器、知識嘅地方。」成員來自藝術、機械、建築、電子、程式設計、社創、教育等跨領域界別,「開放一個地方,想大家一齊去合作製作啲嘢。」FabLab 曾經參與製作藝術家 Michael Whittle 的裝置作品《Noctis Labyrinthus, Labyrinth of the night》,關於人類火星城市。
本港廢膠回收率僅 7% 至 11%
一直以來,港人日常生活充斥塑膠。廢塑膠是全港第二大都市固體廢物,回收率偏低,過去五年徘徊在 7% 至 11%。FabLab 製作的產品中,不少都用上回收物料,包括塑膠與木材。Homan 表示,部份回收物料是市民或街坊清理後拿到 FabLab,有時工作室人員也會主動外出收集,有些公司會付費予工作室清理回收廢塑膠。
Homan 記得,約五、六年前開始有商場客戶及設計師想以更環保的方式舉辦商場活動,「但 event production 成個製作一啲都唔環保,嗰時開始想搵回收膠做物料,但香港係無。」適逢荷蘭設計師 Dave Hakkens 在推動「珍貴塑膠」(Precious Plastics)運動,開發回收再利用廢塑膠的一系列開源機器,包括塑膠粉碎機、壓膠機、唧膠機、注塑機。Homan 說:「我哋都好 inspired,香港嘅塑膠廢物量真係超勁,好想搵方法去解決佢。早幾年大陸開始唔收廢膠,我哋真係有一個急切嘅需要去用返自己生產出嚟嘅廢膠。」FabLab 也嘗試把回收膠帶進藝術工作,亦為商場活動製作模型及擺設等,同時鼓勵設計師、建築師嘗試使用,「可以做成建築材料」。
除了塑膠再生,FabLab 也會協助修復舊傢俬。Homan 舉例,有一張用了二十多年的摺凳,膠板面層剝落,凳腳仍然穩固,於是他們利用回收得來的水馬物料及中藥粉膠樽,重新製作成新的膠板,令摺凳可繼續使用,不致於一損壞就丟棄,「亦試過有啲真係無辦法修復嘅傢俬,就會將佢成為木材,幫另一件傢俬去做修復。」
盼廢膠與金屬木材睇齊
FabLab 另一負責人 Wing 表示,希望回收膠被視作一般物料,「同金屬或者木材去睇齊,因為呢樣嘢可能甚至多到變成一種新物料。」她舉例說,在教育小朋友認識塑膠的過程裡,「如果你話好普通嘅環保,小朋友可能唔太明白,但如果當佢對啲膠好有認識,識分 1 至 7 號膠, 認識塑膠嘅密度、特性,喺物料嘅角度認識佢之後,會更加有多一啲動力去認知平時對於膠嘅 consumption 係點。」
FabLab 這一年投入教育工作,例如跟科學館合作舉辦再生塑膠展覽及工作坊、進駐商場 PMQ 讓公眾體驗迷你注模機的活動。他們又徵集土瓜灣、九龍城、紅磡的街坊回收塑膠,「以前一般市民可能對回收系統無乜信心,覺得都係會去咗堆填區,但如果街坊將收集咗嘅塑膠帶嚟 FabLab,至少個膠樽可以用我哋嘅機器,再製造一個花樽或者花盤畀自己,會有啲成果,而唔係都去哂堆填區。」
FabLab Tokwawan會員登記方法
主要為月費會員,基本月費為 2,800 元
另設單日通行證,每張 600 元,需經月費會員申請
電郵查詢:info@fablab.org.hk
社交媒體查詢:https://www.facebook.com/FablabTokwawan
註:市民如希望提供回收物料,可透過以上聯絡方法與工作室接洽