塞爾維亞雀仔雕塑太似生殖器 居民促快拆

唔少地方都會將當地一啲物產建成銅像或者雕塑，突顯當地特式，吸遊客又可以等居民自豪一下。不過近日塞爾維亞嘅基金逹市（Kikinda），唔少居民都好頭痛。話說基金達係世界知名嘅長耳鴞定居地，為貓頭鷹嘅其中一科，基金達係目前世界上已知最多長耳鴞嘅地方。近日政府喺當地豎立咗一個2.4米高嘅雕塑，但由於外型及顏色都同男性生殖器極為相似，結果成日新聞焦點！唔少當地居民都勸喻政府快啲清拆，仲話令到成個城市淪為笑柄。雕塑嘅作者Jovan Blat都有出嚟解話，佢話雕塑本來就係抽象，同實物唔會100%相似，估唔到大家咁大反應。另外一邊都有聲音，話雖然雕塑好似男性生殖器，不過卻突然令基金達舉世知名，都算係一種成就，無謂又要拆除。大家又點睇？似唔似呢？

大家從唔同角度望下，又似唔似呢？

唔好心邪，其實頭頂係耳朵來的。

真實嘅長耳鴞，係貓頭鷹嘅其中一科。

相關文章：

日男偷運和牛精液到中國 非法偷運奇人奇事 毒蛙、螞蟻巢都運？

今年倒數跟別人不一樣！亞洲七大跨年城市

[上大東山要考牌] 問下自己做唔做到呢8件事 先好上山

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！