墨雨雲間丨吳謹言化身復仇女神 劇集有劇味連官媒都出PO點評

吳謹言喺2018年憑《延禧攻略》魏瓔珞一角紅遍兩岸三地，成為內地炙手可熱嘅當紅女星，之後佢接拍多套劇集，例如《皓鑭傳》﹑《正青春》、《我的砍價女王》及《尚食》等等。近日佢再主演嘅復仇古裝劇《墨雨雲間》大受歡迎，除咗化身復仇女神嘅吳謹言被網民大讚演技有進步，連官媒都有關注劇集，喺社交網站出PO點評。

由吳謹言及王星越領銜主演嘅《墨雨雲間》，改編自千山茶客作家嘅古代小說《嫡嫁千金》，劇情主要講述燕京薛家千金薛芳菲（吳謹言飾）原本過住幸福嘅生活，遭逢巨變後就失去一切。佢喺受救命恩人兼中書令之女姜若雨（楊超越飾）之託，以薑若雨嘅身份回到京城，仲喺肅國公蕭蘅（王星越飾）等人嘅幫助下，克服重重艱險及努力對抗不公，成功救出意外入獄嘅父親及重獲美好生活嘅故事。劇集喺6月3日已經開播，劇集出街即大受歡迎，觀眾大讚劇情緊湊又有劇味，睇得好過癮之餘，亦讚賞吳謹言演技有進步。官媒「人民文娛」亦有發文點評：「真正讓觀眾「爽」的並非一招一式，而是人的成長、美的呈現，以及當代價值的嫁接。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！