「壞咗嘅人」自我修理再出發 許志安避談心穎 祝福都慳番

歌手許志安曾因「安心事件」而自責是「一個壞咗嘅人」，當亮相ViuTV節目宣傳新歌時，承諾將付出1000倍努力重新出發，更首度談及「偷食」對象黃心穎，稱沒留意她和藝人泥鯭的戀情，亦沒送上祝福，似乎3年時間仍未完全抹掉出軌的陰影。

許志安前晚相隔2年多再亮相ViuTV《Chill Club》節目宣傳新歌《人與人之間》，今年簽約環球唱片公司旗下的他，揚言會變得積極：「希望爭取同珍惜機會去唱歌，呢幾年沉澱，今次係啱嘅時間，心態同狀態都Ready好，會比以前付出100倍、1000倍努力，包括做運動、練歌同學樂理。」他亦感謝家人、錫他的人和歌迷。

揚言有信心變得更好的安仔，未諗過再踏紅館，覺得應該一步一步踏實做，問到是否已「修理」好自己？他說：「你哋Feel啦！」當被問到黃心穎與泥鯭拍拖？安仔避談只稱沒留意，望事過境遷：「要向前看！」至於可會祝福心穎？他臉露尷尬之情說：「唔再講之前。」

ONE PROMISE讚窩心

同場的樂隊ONE PROMISE成員Anton讚前輩安仔很窩心，主動問候他的骨枯症，又指讀中學時必唱前輩的K歌，榮幸能和對方Jam歌，他說：「唔夠喉，希望下次再唱。」而早前生日的天衡，在社交網與MIRROR成員Anson Kong互相祝福。提到對方發文感謝某位的陪伴，加上其遛狗照與緋聞DJ女友麻利亞的相片同樣是攝於西貢碼頭，即被指疑自爆戀情，問天衡可有祝好友AK蜜運成功，他即封口表示不知情。