【大八卦】女明星減肥餐單 可以有幾瘋狂？

明星靠樣搵食，「肥」自然係天敵。為咗出鏡好睇，真係要冇啖好食？我地一齊睇下各式星級減肥餐單，有人食得嗰少少就過一日，有人仲好餸過你屋企開飯！

講到尾，跟定唔跟？記得問醫生！

韓星篇 － 無啖好食是常識吧

韓國演藝界競爭激烈，女藝人即使歌藝演技好，都要外表四正先有生存空間。睇返咁多份餐單，可以話係冇啖好食。不過減得最勁嘅朴寶藍，個餐單係最多嘢食！

IU

早餐︰一個蘋果

午餐︰2 條番薯

晚餐︰一杯蛋白質飲品

運動︰健身、做掌上壓及上下樓梯1小時

效果︰1星期瘦11磅

秀智

每日三餐都係1條番薯、雞胸肉及蛋白質飲品

晚餐要在6點前進食

朴信惠去水腫餐單

早餐：黃瓜、低脂牛奶

午餐︰半碗飯、白菜

晚餐︰青瓜、白菜

＊飢餓時以白菜和青瓜充飢，再喝紅豆水和南瓜水

運動︰一星期騎2-3次單車、行山、打乒乓球。

Ailee 500卡路里減肥法

大前題係每日只攝取500卡路里！

餐單好簡單，就係每天分兩餐進食，食物包括雞胸肉、蔬菜2杯及香蕉一條。

效果︰1個月瘦22磅（10kg）

朴寶藍少食多餐激減餐單

早餐：番薯、番茄、雞胸肉、蔬菜

午餐：雞胸肉沙律、低脂牛奶/減肥飲品

下午茶：1條香蕉、3個蛋白、1個蛋黃

晚餐：番薯、番茄、雞胸肉、蔬菜

宵夜：2個蛋白、1個蛋黃、3個核桃、1條香蕉

效果︰減走32kg

兩岸明星篇 － 食得好先減到

孫儷幫經理人設計餐單

話說內地女星孫儷嘅經理人郭思本來係個「肉肉女」，但係得到「娘娘」督促而減肥，仲一齊做運動，結果5個月減走37公斤之餘，更加吸引到異性埋身，同細自己8年嘅小鮮肉男友開花結果！健康、愛情、家庭一次過有晒，係叻嘅。

第一天

早餐：2片麵包、乳酪1杯

午餐：10隻水餃、1杯薑茶、1個橙

零食：1個紅蘿蔔

第二天

早餐：2片麵包、1隻烚蛋、1杯低脂牛奶

午餐：意粉、200克乳酪1杯、1個橙

零食：2個大番茄

晚餐：1碗皮蛋瘦肉粥、8粒士多啤梨

第三天

早餐：1罐八寶粥、1隻烚蛋

午餐：1份炒米粉、1碗紫菜湯、1個蘋果

零食：2條小青瓜

晚餐：1個肉包、1碗小米粥、1條香蕉

第四天

早餐：1個包、500ml蔬果汁

午餐：1碗炒飯、1碗番茄雞蛋湯

零食：1個甜椒

晚餐：1份涼麵、1隻茶葉蛋、1個奇異果

第五天

早餐：1份三文治、1杯200克乳酪

午餐：1份米糕、1份蔬菜湯、15顆小番茄

零食：15粒杏仁

晚餐：1份生菜沙律、1碗小米粥、1條香蕉

第六天

早餐：4片全麥梳打餅、1個蘋果

午餐：1碗炒飯、1碗粟米湯

零食：1個大番茄

晚餐：1份炒豆腐、1條香蕉

第七天

早餐：1個蛋撻、1碗麥片粥

午餐：1個蒸包、1份蔬菜沙律、8粒士多啤梨

零食：15粒腰果

晚餐：1個三角飯糰、1碗蔬菜湯、1個橙

林心如餐後修身餐

生完BB冇耐就要復出，林心如仲可以keep到手腳線條幼細，犀利！餐單以蛋白質為主，加上湯水同去水腫必備嘅飲品，食得飽又食得好，一樣瘦到！

早餐︰滴雞精2包、薑蓉炒蛋、杜仲湯

午餐︰白灼豬頸肉或蒸魚（2－3份蛋白質）、3分1碗五穀飯、灼菜

下午茶︰2份生果（主要是士多啤梨、奇異果、車厘茄、石榴、香蕉）

晚餐︰烤羊扒／牛扒、蔬菜

湯水︰魚湯、蠔仔湯或蜆湯

飲品︰1天3000cc，以黑豆水、紅豆水或紅棗水交替

小S食得有次序

小S身為三女之母，同老公因為身型發福而決心改變飲食習慣。她試過po晚飯照，碟上全部肉類蔬菜都是白灼，令網友嘖嘖稱奇。此外，小S每餐進食都有次序，先吃魚、肉，再吃蛋，跟著再吃蔬菜與粥。先吃增肌所需的蛋白質，以補充運動消耗。而澱粉質放後面吃可以避免吃太多。還有，她通常在黃昏六點前吃完晚餐，平時更要戒酒，避免酒精影響身體代謝機能。

早餐：有機五穀雜糧麵包一小塊配無鹽牛油、無糖咖啡一杯

午餐／晚餐：少量椰子油炒蔬菜、或魚、肉、蛋，控制在三道菜內、約半碗白粥。

＊飢餓時可喝無糖麥片加水果腹

其他經典餐單－未跟過都聽過

極速喪減軍人餐

由未有internet到而家仲流傳緊，最大賣點係聲稱3日減10磅，真係經典！有傳鄭秀文就跟過呢個餐單極速減磅。但係有冇聽過人試完真係減到咁快咁多？我就冇囉。而且軍人食咁少嘢？係真唔係先？

第一日

早餐︰半個西柚、1片麵包、2湯匙花生醬、1杯咖啡或茶

午餐︰半杯水浸吞拿魚、1片麵包、1杯咖啡或茶 (含咖啡因)

晚餐︰3oz 肉（任何皆可）、1杯青豆、半條香蕉、1 個細蘋果、1杯雲呢拿雪糕

第二日

早餐︰1隻雞蛋、1片麵包、半條香蕉

午餐︰1杯茅屋芝士、1隻烚蛋、5塊梳打餅

晚餐︰2條腸仔、1杯西蘭花、半杯紅蘿蔔、半條香蕉、半杯雲呢拿雪糕

第三日

早餐︰5塊梳打餅、1片車打芝士、1個細蘋果

午餐︰1隻雞蛋、1片麵包

晚餐︰1杯水浸吞拿魚、半條香蕉、1杯雲呢拿雪糕

菜湯餐

另一個經典餐單，又係流傳多年，仲話係醫院設計嘅，不過未經證實。呢個要跟比較易，因為係飲菜湯加配指定食物，有幾日更加可以任食！亦因為流傳多年，效果亦流傳到由7日減10磅到20磅不等。杜如風就曾經喺專欄介紹呢個餐單，話跟足7日之後瘦咗8磅！即使唔係瘦身，當清腸胃都唔錯。

主菜︰雜菜湯

材料：6個大洋蔥（普通裝可用9個）、4-6個蕃茄、1個大椰菜、3隻青椒、1個芹菜

調味：適量鹽、胡椒、咖哩、芫茜等

煮法：將材料切塊，水份要剛好浸到材料，先用大火煮10分鐘，再用慢火煮至雜菜軟熟。

＊減肥期間任意進食雜菜湯

每日食物配搭（除指明份量外，每天主要食物可無限量進食）

第1天：生果（香蕉除外）、雜菜湯；可飲用不含糖的茶、紅莓汁及水。

第2天：生或熟的綠色蔬菜（豆類及粟米除外）、雜菜湯；晚餐可吃一個牛油焗薯，不可吃生果。

第3天：混合第1、2天，吃生果、蔬菜及雜菜湯，但是日不能吃薯仔。

第4天：最多吃8隻香蕉+脫脂奶+雜菜湯。

第5天：10至12安士牛肉+一罐蕃茄或6隻新鮮蕃茄+飲6至8杯水；至少吃一餐雜菜湯。

第6天：牛肉＋綠色蔬菜，至少一餐雜菜湯。

第7天：紅米＋無糖份的菜汁和果汁，至少一餐雜菜湯。