雅虎香港新聞 停工恐怖過病毒？夥計擔心冇工開 90後大圍米線店主派定心丸：我會養住你哋
「結算埋數時才剛好四位數，我當時仲諗，係咪我數錯？」肆年八月米線專門店店主Daphne
飲食業，手停口停，對普通打工仔而言，因確診而停工變相零收入，有時恐怖過面對病毒。幸好香港仍有不少良心僱主，大風大雨下肯充當避風港。「夥計會好擔心自己因為確診，或者被隔離後，因為工時少咗而減人工，甚至無咗份工，我會同佢哋講，放心啦，我會養住你哋。」大圍米線店「肆年八月」店主Daphne霸氣說道。
【立即讚好】全新 Yahoo Food Facebook 專頁
因為疫情 人龍不見了
90後的她說起來平靜，實情今次是Daphne首次做老闆娘，就要面對香港飲食業前所未見的海嘯，背後又怎會風平浪靜？米線店四年前開業，舊舖同於大圍，開業不久已經日日爆場，繁忙時段必見人龍，Daphne累積了信心，年多前決定細舖搬大舖，換舖後人龍依舊，怎料第五波火速殺到……
「以往開舖前三十分鐘前一定有人等，突然有一日，開舖前唔見有客喺門口等，店員立刻通知我，我即時反應係以為餐廳做錯咗咩事，會唔會係網上被人負評？或者係食物有咩問題。」直至她發現短短幾日內，區內人流大減，其他餐廳情況也一樣，才明白這一波疫情有多嚴峻，最差的一天，她仍然印象深刻：「結算埋數時才剛好四位數，我當時仲諗，係咪我數錯？」
良心店主 向店員派定心丸
受挫的不只是生意額，Daphne於第五波疫情之初也確診，由於餐廳米線向來由她把關，餐廳被迫即時關門，大消毒，休息了約一星期多。不過令她更擔心的，是一班得力同事：「全職又好，兼職都好，同事一來擔心返工危險，始終做餐廳接觸人多；二來又擔心餐廳生意唔好，需要放無薪假，甚至無咗份工，大家士氣好受影響。」
Daphne也沒太多考慮就向夥計大派定心丸：「我同佢哋講，放心啦，我會養住你哋。」她甚至和會店員細傾他們的意願：「有夥計家人因為疫情無工開，佢成為家中經濟支柱，想增加返工時間，咪大家配合囉。」當然生意歸生意，她補充「疫情始終會過，好似近排生意都回升不少，餐廳係好需要幫得手嘅夥計。」
鎮店招牌麥芽糖啤酒湯底
米線店生意回升，除了因為疫情放緩，米線出品當然是主因，招牌湯膽，每朝7am就開始最少熬到11pm，加了大量豬骨、甘筍、蘿蔔之外，最特別是在滷水汁內加了麥芽糖及啤酒，代替傳統的冰糖，出來的湯底顏色更好看也香得更有層次，Daphne強調湯中的啤酒在熬湯時已經完全揮發掉，完全不會有任何酒味，同樣的滷水，拿來醃鴨片、雞腎、豬大腸，一樣入味。
首次來到，建議叫一碗招牌「什滙小鍋米線」($62)，一碗就吃到全部生招牌，夠哂抵食，也藉此成功吸納了一班熟客：「之前有熟客知道我康復後14日就返工，計準日子，送一大包防疫物資俾我，有哂消毒用品，中藥西藥等，收到當然好感動！」Daphne笑言。
肆年八月米線專門店
地址：大圍下徑口村30號地下 (地圖按此)
電話：9872 7223
全新訂座平台「Yahoo訂餐廳×Openrice」正式上線！
更多大圍美食推介
大圍美食合集2022！米芝蓮推介湯麵/惹味手撕雞腸粉/Igable越南街頭小食
大圍小館疫市重開 首推$158外賣回家蒸米芝蓮加持手工點心 連本地手工製蒸籠
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
