大灣仔的夜2|吳卓羲身形發福 驚現肚腩及肥仔波獲網民讚可愛

大灣仔的夜2|吳卓羲驚現肚腩及肥仔波 身形發福獲內地網民讚可愛
大灣仔的夜2|吳卓羲驚現肚腩及肥仔波 身形發福獲內地網民讚可愛

43歲嘅吳卓羲北上發展多年,上年憑內地真人騷《披荊斬棘2》圈粉無數,人氣高企。近期佢加盟衍生真人騷《大灣仔的夜2》,除咗真性情及強烈綜藝感之外,佢喺節目中發福嘅身形同時引起網民關注。

正在熱播中嘅《大灣仔的夜2》由張智霖、陳小春、謝天華、周柏豪、林曉峰及吳卓羲擔任主持,早前佢喺節目中與張智霖及謝天華傾偈,當時車上播放著信樂進團嘅《死了都要愛》,而吳卓羲就大讚阿信唱功了得,咁一時忘形講出:「係呀!好X勁㗎佢!」佢講完之後謝天華都唔識俾反應,而吳卓羲好似知道自己太衝動講錯嘢,唯有扮冇嘢繼續拍攝。而製作組就好搞笑咁將呢句配上字幕「他好冷靜的他 」,雖然吳卓羲喺節目中爆粗,不過唔少網民都認為佢係展現自己嘅真性情。

去到第8集,佢哋就前往青島拍攝,除咗繼續營業之外,佢哋亦不忘遊歷當地美景,當中包括浸溫泉。首先6人分別穿上浴袍出場,然後脫下浴袍,5人竟然著上「肌肉衫」,唯獨導遊陳小春著上「小學生衫」,被5人瘋狂恥笑。之後,佢哋就隨即喺室內浸溫泉,著上「肌肉衫」嘅5人,喺濕身後將身形曝光。喺佢哋轉戰室外後,6人更挑戰浸冷水池,而吳卓羲就凍到喺水跳下跳下,明顯發福嘅佢驚現大肚腩及「肥仔波」。節目出街後,吳卓羲嘅身形隨即引起網民關注,紛紛留言「卓羲bb的小肚肚好可愛」、「我們卓羲bb小肚腩多可愛」、「肥肉羲,名不虛傳」及「吳卓羲的肚子好肥啊」等等。

《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖
《大灣仔的夜2》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!