天線得得B｜太陽BB演員Jess Smith升呢做媽媽 女兒接棒化身新一代小太陽？

英國兒童節目《天線得得B》（Teletubbies）於1997年面世，除咗四隻天線得得B主角Tinky Winky、Dipsy、Laa-Laa和Po，擁有萌爆笑容嘅「太陽BB」亦大受歡迎。時光飛逝，飾演「太陽BB」嘅Jess Smith已於1月誕下女兒Poppy Rae Latham，榮升人母，時不時於IG分享與女兒嘅合照，近日又將女兒Key入小太陽內，化身新一代「太陽BB」，名符其實「太陽的後裔」。

Jess Smith由1997年開始至2015年扮演「太陽BB」角色，佢曾經分享成為「太陽BB」嘅原因，直言自己喺9個月大嗰陣因體重問題到醫院檢查，結果被睇中，經試鏡後成功得到角色，但對演出過程就無記憶；Jess Smith更表示當時片酬係250英鎊（約港幣2,494元）和一盒玩具。長大後，Jess Smith由並無對外公開自己係「太陽BB」，直至於家人及朋友鼓勵下，先決定話畀其他人知自己係《天線得得B》嘅「太陽BB」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！