女星齊派福利 盈盈心穎激罕晒泳衣照 另有輕熟女代表

東方新地 - 娛聞
東方新地

踏入九月,嚟緊天氣慢慢開始轉涼,大家都急不及待「捉緊夏天的尾巴」,一眾明星藝人都唔例外!先有後生女馮盈盈及黃心穎激罕派福利,喺IG晒三點式泳衣照,睇到網民噴晒鼻血;之後有兩位輕熟女代表,最後仲有媽媽級女藝人登場!大家覺得邊個著泳衣最正呢?

撰文:東方新地|圖片:Instagram

 

「捉緊夏天的尾巴」女星齊晒泳衣照

|黃心穎晒完背面補正面

黃心穎早前已預告自己會旅行,早前佢就喺IG分享旅行照,相中見到佢身穿綠色比堅尼,享受陽光與海灘,但最後係只得背面睇!連「豹嫂」胡蓓蔚都留言話想睇正面!

泳衣
泳衣
心穎BB聽到大家的訴求,好快就補多張正面泳衣照益大家!
心穎BB聽到大家的訴求,好快就補多張正面泳衣照益大家!

不過唔知心穎BB係咪近日清減了,似乎以往的泳衣照比較有睇頭?

泳衣
泳衣
泳衣
泳衣

|馮盈盈激罕逼爆三點式

不過相比黃心穎,作為港姐師妹的馮盈盈就爽快得多!備受大台力捧的盈盈近日工作忙過不停,突然好懷念之前放假的時光,於是喺IG派福利益網民,相中盈盈著上花花三點式泳衣,心口逼爆,皮膚又白又滑,跪喺獨角獸浮床大擺誘人甫士!小編同好多男網民一樣,好想做隻獨角獸呀!

泳衣
泳衣

趁day off回味舊照

其實呢張相係盈盈幾個月前去泰國旅行時影的,呢日佢趁著難得的day off回味舊照,純粹益大家!盈盈留言:「Scrolling through old photos on my day off, and missing those good vibes in the last trip」另外仲有「holiday我真係好愛你,無咩事我返出去做野先」等的hastag。

泳衣
泳衣

泳衣照好珍貴

馮盈盈自2016年當選港姐冠軍後,憑出眾外表吸納大量男粉絲,加上其個性貼地敢言,又不時喺人氣節目「#後生仔傾吓偈」中發表大膽言論,令佢多咗個「性博士」的稱號,喺近年港姐中確係人氣高企!盈盈雖然不時都會作性感打扮,但自選美後就真係極少以泳裝示人,小編在此就希望佢多啲day off,多啲post相啦!

馮盈盈每次啲泳衣照都睇到人流晒鼻血!
馮盈盈每次啲泳衣照都睇到人流晒鼻血!

兩年前港姐泳裝環節

馮盈盈兩年前選港姐的泳裝問答環節,當時可能比賽壓力大,盈盈比起依家好似瘦削好多?都係多番啲肉好睇啲!

小蠻腰、美腿依舊!
小蠻腰、美腿依舊!

|姚子羚中門大開

睇完兩位二字頭,不如轉轉口味到輕熟女?37歲「表哥」姚子羚近日好姊妹李施嬅同遊泰國,酒店仲有個270度景觀大泳池,當然要游番夠本啦!出名身材索爆的子羚白色一件頭泳衣,酥胸半露,加埋個戴超cool爆表情,索到震!

噴血呀!
噴血呀!
後面仲有大露背,真係冇得輸!
後面仲有大露背,真係冇得輸!
仲有兩位好姊妹齊齊浸浴~
仲有兩位好姊妹齊齊浸浴~

咩係「DLCF」?

子羚索爆泳衣照,網民就瘋狂讚好,連老友陳山聰都忍唔住留言,不過子羚回覆時只係留下四個英文字:「DLCF」之後山聰又以「DLCF」回應,究竟係點解呢?

「DLCF」?有人聯想到粗口諧音?
「DLCF」?有人聯想到粗口諧音?
山聰回覆傳媒時,就話「DLCF」其實係Delivery、Love、Charity及Fun/Fashion。正能量!
山聰回覆傳媒時,就話「DLCF」其實係Delivery、Love、Charity及Fun/Fashion。正能量!

|黃心美晒「網球」

跟住到另一位輕熟女黃心美!佢同細妹心穎一樣去咗旅行,雖然張泳衣照只係得超遠景,不過之後心美就補番張近鏡長裙照,見到條裙個心口網狀設計,令心美豐滿身材表露無遺,正呀喂!

呢張遠咗少少囉!
呢張遠咗少少囉!

|幸福肥李蘊湊女玩水

好啦到最後一位,佢只得27歲唔算輕熟女,不過已經係一子一女之母,咪就係前組合Cream成員李蘊!李蘊不時都喺IG分享帶著一對子女遊玩的相片,呢日佢又帶住囡囡去游水,著上泳衣的李蘊自然地露出圓潤的身材,少女味漸退,反而多了一份母親的氣質!

李蘊15年下嫁圈外男友羅章冠,三年抱兩,現育有女兒羅紫晞及兒子羅明新。
李蘊15年下嫁圈外男友羅章冠,三年抱兩,現育有女兒羅紫晞及兒子羅明新。
20歲時的李蘊。
20歲時的李蘊。
15歲的李蘊。
15歲的李蘊。

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

胡定欣37歲生日遇謝東閔「表白」 簡單一句神回對方!

其他內容