好事近？張曦雯與混血男友越愛越高調 帶埋男友出席高海寧生日聚會

現年31歲嘅TVB女神張曦雯（Kelly）憑住精緻五官、甜美笑容及完美身材，成為唔少男士心目中嘅女神。名花有主嘅佢與混血兒男友Mark Brunyez拍拖5年，感情穩定兼越愛越高調，除咗已搬入男友位於北角半山嘅市值約3千萬豪宅及帶男友返美國見家長被催婚之外，最近Kelly仲帶Mark出席高海寧生日聚會，從相片所見男友已經同好朋友打成一片，朝住結婚方向作打算嘅佢哋，唔通真係好事近？

日前高海寧喺IG上載張曦雯及宋熙年等好友為佢慶祝35歲生日嘅靚相，當中Kelly仲帶埋男友出席，從相片所見Mark已經同Kelly好朋友打成一片，玩得非常高興。

另外，較早前Kelly已經搬進男友位於北角半山嘅豪宅，實行同居試婚。而Kelly亦不時喺社交網站上載家居生活照及片段，愛巢裝潢有英倫風味，客廳佈置簡潔又寬倘，放有一部最少60吋嘅大電視，方便「打機女神」Kelly隨時打機，就算玩VR都唔怕撞親。另外，Kelly亦不時與男友煮飯仔，同居生活相當甜蜜。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！