姜濤揚威日本新歌獲重點推介:真的沒想到

姜濤揚威日本新歌獲重點推介:真的沒想到
姜濤揚威日本新歌獲重點推介:真的沒想到

男團MIRROR人氣高企,早前佢哋衝出亞洲成為《紐約時報》的專題內容,估唔到當中最受歡迎嘅成員姜濤更加威盡,佢為悼念亡友「中峰」而唱嘅新歌《Dear My Friend,》在港大受好評,依家更加揚威去到日本,獲日本電台J-wave於尋晚(24日)喺節目《Step One》內重點推介,並喺倒數香港串流榜時介紹呢首歌。當中日籍男主持介紹呢首歌係佢唱畀亡友:「希望喺天上面,都可以守護住佢。」

姜濤新歌僅推出未夠一個月,就已經咁好成績!
姜濤新歌僅推出未夠一個月,就已經咁好成績!
首歌係為紀念亡友「中峰」。
首歌係為紀念亡友「中峰」。
仲帶挈佢紅到出日本!
仲帶挈佢紅到出日本!

姜濤一收到消息,都興奮到即時透過社交網越洋回應,驚訝留言:「真的沒想到」仲配上日本留言指「非常感謝您,我會盡我所能」鬼咁有禮貌,唔怪得紅到出日本,咁受歡迎!作曲人林奕匡亦有戥姜濤開心:「Oh wow」,姜糖更加表演激動,洗版式留言恭喜:「要衝出香港了」、「太好了,首歌可以喺日本出道,令更多人知道你嘅心意。」、「叻仔!你畀摯友的歌聲傳到去日本!Proud of you!」更有網友用日文留言表示「請加油。我也把你介紹給了我的日本朋友。」睇嚟佢已經成功開展日本市場,咁就掂啦!

喺MV中佢拍到喊晒,真係投放咗好多感情。
喺MV中佢拍到喊晒,真係投放咗好多感情。