姜濤Anson Lo《超感應學園》下月初台灣首播 粉絲洗版式留言大呼期待

·2 分鐘文章
《超感應學園》
《超感應學園》

MIRROR成員又有新劇集出街啦!港台合拍劇《超感應學園》集合校園、驚悚、愛情及喜劇等元素,由「台灣最強小鮮肉」蔡凡熙、劉奕兒及姜濤主演,而另一MIRROR成員「教主」Anson Lo盧瀚霆亦有份參演,淨係聽到MIRROR成員有份演出,大批「鏡粉」已經表示超級期待。

姜濤及教主喺劇中都係飾演台灣讀書嘅香港僑生,姜濤飾演21歲嘅心理系三年級學生、電影社社長西多士,與超感社一齊用社辦,而認識其他超感社成員,劇中個性隨和係社員內嘅和事佬。而教主飾演岩岩去台灣讀書嘅香港僑生,但官網暫時無角色資料,但睇劇照見到佢同姜濤一齊著校服,真係好靚仔。

《超感應學園》將於8月7日起播出喺台灣八大電視台首播,劇集預告片上載後,立即吸引大批台灣網民、「姜糖」及「神徒」洗版式留言,例如「期待姜濤第一套台劇」、「有姜濤 Anson Lo 一定支持」、「超期待 六小福、西多士(姜濤角色)」、「等好久了,期待Anson Lo和姜濤的演出」、「支持電影社社長」、「超期待,香港幾時有得睇?」、「終於等到8月開播了…很期待六小福…」及「待了差不多一年啦,可見到西多士了」等等。雖然唔少網民都好想知香港幾時有得睇,但有消息指播映時間仍然未定。

《超感應學園》海報
《超感應學園》海報
《超感應學園》
《超感應學園》
《超感應學園》劇照
《超感應學園》劇照
《超感應學園》劇照
《超感應學園》劇照
《超感應學園》劇照
《超感應學園》劇照
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖
《超感應學園》影片截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能