婚後事｜王敏奕演活愛得卑微演技大爆發 網民：絕對唔係花瓶

TVB熱播劇集《婚後事》由羅子溢（前名：羅仲謙）、陳自瑤、黎諾懿、賴慰玲、羅天宇及王敏奕等人演出，被指劇情真實貼地，收獲大量好評。噚晚（13日）播出嘅一集以王敏奕飾演嘅靜海Mira作視點，佢成功演活一個由熱戀中嘅少女，去到不被愛嘅女人，最後與愛人分手收場嘅悲慘女人，整晚佢嘅演出感染力十足，演技被網民激讚。

噚晚劇情講到Mira與潘善仁（羅子溢飾）同居後，一直致力做一個「100分女友」，不過無論佢幾努力都好，善仁唔領情之餘、仲多次避開佢。最終因患癌父親企圖自殺及女兒悅悅帶酒返學校飲等事件而爆發，善仁仲提出要搬走，導致Mira情緒終極失控，大哭大吵大鬧。雖現事後Mira主動送吻俾子溢，及卑微乞求對方留低，可惜善仁都係決意離去，Mira傷心欲絕，最後兩人分手收場。淨係噚晚一集中，王敏奕已經演活熱戀中嘅少女所有嘅甜蜜與嬌俏，去到不被愛嘅女人嘅卑微及委屈，最後與愛人分手嘅悲痛，演技毋庸置疑。

呢集出街後，唔少網民紛紛留言激讚王敏奕嘅演出，例如「家嫂演得勁有feel 果種卑微 同心痛勁入肉」
「王敏奕角色出好多層次，不是簡單的令人厭惡的第三者，甚至令人同情佢遭遇，演繹出感情沒有對錯」、「估唔到呢套家嫂啲戲仲好過賴慰玲同Yoyo」、「嘩，家嫂呢下好戲」、「家嫂幾好戲」、「呢個角色真係做得好好呀 ! 人又靚，絕對唔係花瓶」、「王敏奕博盡無悔!」、「好好戲 視后了」、「支持家嫂攞視后」、「喊到好腰心腰肺」、「今集全集呀海solo」、「家嫂真係好正」、「家嫂做到個角色好似真嘅咁」、「睇到喊左」、「王敏奕演得好好」、「特登入來讚王敏奕，今晚做得非常好，睇到我流淚。年尾要頒個獎比佢」、「王敏奕真係做得好好 充分表達出靜海嘅情感 I’m prond of u 期待今晚的演繹」、「做得太好，i feel ur sadness」、「又令我哋認識個新嘅venus!」、「做得好好，好自然又入戲」、「今晚呢集真心做得好好 尤其打電話嗰段戲，好有共鳴 看得出你很努力演好這個角色，繼續努力 加油」及「今晚嘅mvp 好有感染力，眼已腫」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！