宣萱雄心壯「質」儲夠50次

東方日報
·2 分鐘文章
陳豪與宣萱在劇中默契十足,獲觀眾大加讚賞。
陳豪與宣萱在劇中默契十足,獲觀眾大加讚賞。

曾多次於劇集當「人質」的藝人宣萱,最近在新劇又被安排重操故業,昨日出席宣傳時,她笑指成為被挾持紀錄保持者感到很特別,有意儲夠50次申請世界紀錄。

陳豪、宣萱、滕麗名、洪永城等昨日出席無綫劇集《陀槍師姐2021》宣傳,期間分組玩連步舞遊戲,當中洪永城孭住鄧佩儀搶Fo,但搞到面紅耳赤,場面搞笑。

陳豪讚太太好叻

宣萱對於今輯繼續做人質,被網民取笑為「御用人質」,連她也忍不住自嘲:「我都唔記得做咗26、27次人質,今次都係邊拍邊寫劇本,呢個被綁架紀錄保持者都幾特別。(想唔想入世界紀錄?)等過多20年,我做夠50次先啦,不過拍被挾持戲都幾開心。」

最近搬了新居的陳豪,笑指只是搬到隔籬座:「搬大咗!太太搞掂晒,佢真係好叻,除咗湊小朋友,亦打理間屋。(再生小朋友?)都夠啦,見好就收,有意外先再算,唔好絕我後路。(有指你逆市賺過千萬?)最緊要大家開心。」

滕麗名舊情冇尷尬

而阿滕當年因拍攝《陀槍》系列而與魏駿傑撻着,日前劇集播出回憶片段,問到可感尷尬?她說:「拍嗰時係睇唔到呢啲畫面,播出我仲未睇番,冇問題嘅,每個人都有過去。(但呢場獨腳戲,網民讚你做得好好!)本來一Take,但導演想我再靚啲,要喊得收斂少少。」

《陀槍師姐2021》乃無綫重頭之作,台前幕後陣容鼎盛。
《陀槍師姐2021》乃無綫重頭之作,台前幕後陣容鼎盛。