家族榮耀|馬家豪宅位於深圳 佔地逾2萬呎月租僅5萬人仔

《家族榮耀》
《家族榮耀》

TVB劇集《家族榮耀》正在熱播中,除咗勾心鬥角劇情及實力派演員演技大鬥法極具看點之外,連兩大取景地方之一馬家豪宅同樣成為焦點。劇中馬家人生活富貴逼人,住嘅地方當然勁豪華同有氣派啦!有指呢間豪宅佔地逾2萬呎,而月租只需要5萬多人民幣。

今次《家族榮耀》馬家豪宅有別於以往喺TVB劇集中出現嘅「御用豪宅」,更具氣派及新鮮感,唔少網民都話好有驚喜。雖然劇集以香港作為背景,不過呢間豪華大宅其實係位於深圳鹽田區大梅沙嘅「東部華僑城天麓」別墅區,仲曾經連續兩年入選中國十大豪宅,真係一啲都唔簡單呀!背山面海嘅馬家豪宅有四層高,擁有10房6廳,仲有私人泳池及過千呎花園。另外,室內飯廳位置相當闊落,大多馬家人食飯都要用餐車上菜,仲有一張超級長嘅飯枱。至於客廳方面,超高樓底配落地玻璃窗,再放咗幾組皮梳化,時尚及空間感十足。另外,各人嘅房間非常寬倘嘅同時,亦各具特色。

不過呢間豪宅都有缺點,就係地區偏遠,再加上配套設施不足及交通唔方便等問題,導致該別墅區入住率偏低。早前更有網民爆料話有業主曾經喺朋友圈指自己曾以3600萬人民幣,買入呢一區一座6層嘅獨棟別墅,持貨7年後再以2600萬元人民幣賣出,不過加埋貸款利息及各項雜費,佢要蝕近2千萬元人民幣離場。

《家族榮耀》劇照
《家族榮耀》劇照
《家族榮耀》截圖
《家族榮耀》截圖
《家族榮耀》
《家族榮耀》
《家族榮耀》截圖
《家族榮耀》截圖
《家族榮耀》截圖
《家族榮耀》截圖
《家族榮耀》截圖
《家族榮耀》截圖
《家族榮耀》截圖
《家族榮耀》截圖
《家族榮耀》劇照
《家族榮耀》劇照
《家族榮耀》劇照
《家族榮耀》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!