將陳炳銓降呢朋友 李佳芯:要時間處理

東方日報
·1 分鐘文章
李佳芯與陳炳銓的關係撲朔迷離。
李佳芯與陳炳銓的關係撲朔迷離。

「視后」李佳芯、河國榮、鄭俊弘與太太何雁詩,昨日到將軍澳電視城出席節目《狗狗診療所》記者會。離開無綫13年後回巢的河國榮透露於節目中分享養狗心得。近日盛傳李佳芯與男友陳炳銓分手後,搬離西貢愛巢。提到與男友一起養的愛犬,她突然劃清界線表示:「嗰隻係佢嘅狗。(佢嘅唔係你嘅?)晶片係寫佢名,當初係佢話鍾意,所以先養。(佢負責照顧?)日常生活係佢負責多啲,當然我之前都有放狗。」並承認近期較少放狗。

承認少見面

追問她與男友現時關係?她說:「處理緊,搵緊一個令大家舒服嘅方式相處。(分手?)一路感情都好低調,一直都係朋友囉。(將男友降呢做朋友?)我不嬲都講係朋友。(過唔到呢個情關?)唔可以叫過關,只可以講同身邊嘅人希望搵個舒服方式相處、成長,要啲時間去處理。(幾耐冇見?)呢排少咗見,關係一向係咁。(冷戰緊?)絕對唔係。」隨即扯開話題,表示為慈善展覽閉關,準備陶瓷和書法作品,認為是抒發的一種。

李佳芯(左起)、河國榮、鄭俊弘與何雁詩於節目中分享養狗心得。
李佳芯(左起)、河國榮、鄭俊弘與何雁詩於節目中分享養狗心得。