尋人記2|方東昇搵上門遭伯伯認唔出本尊 黃曉瑩笑到手震

尋人記2|方東昇搵上門遭伯伯認唔出本尊 黃曉瑩笑到手震
尋人記2|方東昇搵上門遭伯伯認唔出本尊 黃曉瑩笑到手震

由方東昇、黃曉瑩、李曉欣及黃靖婷主持嘅TVB節目《尋人記II》播出兩周以來,口碑與收視雙豐收,上周播出嘅「吃杯麵的男孩」志文及兩位單親爸爸故事感動唔少人。而噚日播出一集就係尋找當年李鄭屋徙置區受訪嘅街坊,尋人期間遇到粉絲鄭伯伯,不過呢位粉絲竟然唔認得眼前嘅方東昇,場面爆笑。

《尋人記II》製作團隊跟進當年李鄭屋徙置區個案,長達半年尋人期間遇到舊同學、街坊福利會理事及一眾街坊幫忙;其中一次到訪李鄭屋時,遇上一位熱心鄭伯伯,伯伯主動向企喺門前嘅方東昇推介尋人妙法,帶有自信咁講:「你去搵方東昇啦!佢30年、40年後(嘅人)都搵到,佢有電腦、check到吖嘛。素未謀面都搵到,你冇睇電視架咩?」當時戴住口罩嘅方東昇即刻除低口罩回應:「我就係方東昇。」得知自己擺烏龍嘅鄭伯伯笑到彎腰,就連負責拍攝嘅黃曉瑩都笑到手震。

事後,製作團隊訪問返鄭伯伯點解認唔到方東昇,佢就表示當時剛剛完成白內障手術無耐,鄭伯伯又指節目宣傳片出街後,唔少街坊都認得佢上咗鏡。

而其實方東昇唔止擁有一班街坊支持者,就連鄭裕玲(Do姐)都曾喺商台節目《口水多過浪花》大讚方東昇,表示好欣賞佢嘅囗才及風趣幽默,仲以才子形容對方。Do姐仲分享曾經邀請過方東昇作節目嘉賓,不過方東昇以「TVB新聞部唔畀記者以個人身份個別接受訪問」為由婉拒。

《尋人記II》
《尋人記II》
《尋人記II》
《尋人記II》
《尋人記II》
《尋人記II》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能