尹光殺入叱咤5強 牽連商台DJ兼填詞人薛晉寧被留言炮轟 爆粗提醒︰你xx我冇用架

上周商台公布「叱咤樂壇流行榜頒獎典禮2023」、由樂迷投選嘅我最喜愛的男、女歌手及組合大獎最後5強名單。喺網民力推之下，尹光一如所料殺入我最喜愛的男歌手5強，與張敬軒、MIRROR成員姜濤、盧瀚霆及陳卓賢，於本周進行嘅投票一較高下。

正如所有選戰，尹光被捧成大熱，難免會引發口水戰，有人重提「光B」已經否認嘅「咸豬手」事件，呼籲樂迷唔好投尹光。而為尹光新歌Dear Myself填詞嘅商台DJ兼填詞人薛晉寧（阿檸）都受到牽連。

阿檸疑似被其他歌手粉絲留言批評後，喺社交媒體發文抒發，更爆粗提醒大家唔好搵錯地方 －

唔少網民都留言撐阿檸寫嘅Dear Myself歌詞寫得好，又有人批評「Fans 有呢啲行為，只會令人更討厭佢哋嘅偶像」。最好笑有人反問阿檸「你填詞，夠膽播？」，阿檸都回應「俾你大到，pass」。

由於叱咤角逐「我最喜愛」大獎嘅入圍資格，係要打入計算商台叱咤903播放率嘅「903專業推介」，所以尹光有得爭獎，都係多得DJ肯播啦。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！