尹光11月紅館開個唱 網民集氣林家謙張敬軒做嘉賓

74歲嘅「廟街歌王」尹光早前憑住AI尹光唱《一人之境》等歌曲喺網上爆紅，AI尹光除咗帶挈「真．尹光」密密接job之外，更宣布將於11月喺紅館舉行演唱會，前日尹光喺個人社交網站公佈演唱會詳情，唔少網民紛紛留言想佢邀請林家謙及張敬軒做嘉賓。

尹光以「WAN K.」之名將於11月舉行《尹光WAN K. 宇宙巡邏演唱會》，海報中嘅佢著上「芭比粉」西裝，就連皇冠、頸鏈及手套都係同一色系，真係食正晒今期嘅「芭比粉」潮流。呢張海報一出，除咗周啟生留言話有啲似「宇宙最強」之外，仲有唔少網民留言話型及可以挑戰Anson Lo做粉紅教主：「呢個粉紅色造型勁呀！掂」、「挑戰Lo Lo 做粉紅教主， 正呀喂！」、「尹教主好型呀」及「真正嘅可愛教主。」等等。

另外，唔少網民都好想尹光邀請林家謙及張敬軒做嘉賓：「我要聽一人之境呀！！！」、「跪求軒公做嘉賓」、「會唱一人之境即搶」、「我要聽一人之境同Dear my friend」、「想你請林家謙！！！！！」、「係咪會叫埋林家謙唱一人之境」、「光哥可唔可以請林家謙做嘉賓合唱一人之境」、「我已經feel到林家謙一定會做嘉賓」、「勁期待呀 大家集氣呀！！ 軒公 謙爹 一齊黎就爆炸喇」及「軒公會唔會做嘉賓？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！