雅虎香港新聞 居然唔太得人驚嘅殭屍片？《人道主義吸血鬼徵求自願獻身者》︳電影LOL
早幾年荷里活喪屍片殭屍片大行其道，結果當然係玩爛咗，不過殭屍呢個題材歷年來都有人寫有人拍，因為殭屍嘅身份同行為，好適合用嚟比喻社會小眾。
去年加拿大導演Ariane Louis-Seize拍咗套殭屍片叫Humanist Vampire Seeking Consenting Suicidal Person，台灣直譯為《人道主義吸血鬼徵求自願獻身者》。咁譯其實幾聰明，因為一下子講晒故事講咩，而且夠長，一睇就知唔係一般殭屍片。
殭屍已經係社會唔見得光嘅一群，女主角莎夏更加係另類中嘅異數。莎夏今年68歲，但喺殭屍世界仍然係少女，由於佢係高敏一族加上害怕血腥，令佢對殺人吸血嘅事顯得老鼠拉龜。莎夏父母當然想個女自力更生，於是決定斷絕家中「輸血」支援，令莎夏面臨生存危機。呢個時候佢遇見一名孤獨憂鬱而且生無可戀嘅少年保羅，願意獻上熱血性命拯救莎夏。佢地亦達成協議，喺黎明前攜手展開一夜冒險，實現保羅最後願望⋯⋯
《人》說穿了其實就係一套少年少女青澀浪漫故事，但加上殭屍元素，成個故事多咗一陣黑暗emo味道。如果係想睇血腥啖啖肉嘅重口恐怖片迷，咁可能會嫌唔夠味，甚至覺得甜甜地添（唔係甜片嗰隻甜呀）。
《人》係導演Ariane Louis-Seize首次執導長片，佢話本身喜愛殭屍片，十幾歲嘅時候睇好多《Juno 少女孕記》、《陽光小小姐》呢類另類小品，而佢十分鍾意奇怪突兀嘅人物角色，有日行公園突然閃過故事念頭，於是就有人道主義吸血鬼同厭世自願獻身者相遇嘅想法。
講咗咁多，但暫時香港未見有機會上映，但係台灣就會喺呢個星期上映，去開台灣嘅不妨望望。而喺amazon prime同youtube付費租片區都可以睇到呢套戲。
更多電影文章
玩轉腦朋友2／全謊位登月／DDDD惡魔的破壞 前章︳電影LOL 今期睇咩戲
《長腿Longlegs》被譽為近十年最恐怖電影 尼古拉斯基治參考阿媽演殺人狂︳電影LOL
《穿Prada的惡魔》傳拍續集 當年助手變金主 霸氣阿姐點對付？︳電影LOL
派拉蒙落實80億美元賣盤予Skydance 拉鋸多月終成事︳電影LOL
《野孩子》內地電影公布映期後半日撤檔 真正原因眾說紛紜︳電影LOL
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
