雅虎香港新聞 屢生危險！越南河內火車市集或將消失
東南亞有唔少火車市集，原本係因為民居同火車路軌好接近，甚至近到只差一隻手位，於是吸引唔少遊客前往，之後當地更會陸繼開食店做遊客生意。越南河內老城區「火車街」（Hanoi Train Street）就係其中一個表表者，建於法屬越南時期1902年，來回河內及海防，當火車行入河內後街小巷，就會穿插於民宅之中，吸引每年數以萬計遊客前往，當地火車軌兩邊都開有唔少Cafe及餐廳，等遊客可以極近距離觀賞火車入街呢個奇景。不過其實當中有唔少危險，日前有一位女遊客就於火車軌旁拍照，無視火車已經就快駛到眼前，火車司機數次響號及大聲呼叫不果，最後只能緊張煞車，於遊客前3米及時停止。越南政府有見及此，決定下達命令要整頓，包括控制當地食肆唔可以再放餐枱於室外、趕走無牌經營嘅地攤等。可能不久將來，火車街就唔會再有如此奇景喇！
火車駛近只與遊客及住宅數米之距，好驚險。
唔少遊客都唔知驚，行到非常近。
唔少商店及餐廳都放置座位於路軌前。
相關文章：
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊
