巴黎奧運｜回應王敏超「遺憾論」 何詩蓓：過程比結果重要 做到最好無遺憾｜Yahoo

【Yahoo 新聞報道】巴黎奧運香港游泳代表隊今早回港，大批市民到機場接機。以兩面銅牌完成第三次奧運的何詩蓓指，可為港增光實屬榮幸，亦已成功達成今季參賽目標；對於泳總會長王敏超早前對何詩蓓只奪銅牌感到遺憾，何詩蓓認為過程比結果重要，做到最好已無遺憾。

巴黎奧運香港游泳代表隊成員何甄陶、何詩蓓、張心悅、簡綽桐、鄭莉梅及譚凱琳於今早六時許抵港，將告別奧運的歐鎧淳則並無跟隨大隊回港。

「代表香港係理所當然」

何詩蓓早前出戰女子 100 米自由泳及 200 米自由泳均獲銅牌，她形容「係個好大嘅 honour，可以為香港增光」，自己在香港出生及長大，「代表香港係理所當然」，亦感謝港人支持，「凌晨三點鐘比賽、下晝三點鐘比賽，都好支持嚟睇我」。對於獲得銅牌獲發獎金，她指未決定獎金如何使用，但希望將部份獎金回饋團隊，「無佢哋嘅努力都無咁嘅成績」。

放兩周長假 「最想做嘅係瞓覺」

完成密集式比賽回港後，何詩蓓指「最想做嘅係瞓覺」，因比賽期間「咁緊張同咁興奮都瞓得唔好，好期待呢幾日淨係喺屋企瞓覺」。至於是否退役何就認為言之尚早，「仲有好多唔同比賽，會喺屋企好好休息再訓練」，今年亦會參與世界賽，她預計會放兩星期或以上長假，「之後再 focus 訓練」。

回應王敏超遺憾論：每個人有自己意見

對於泳總會長王敏超曾對何詩蓓只奪銅牌感到遺憾，何稱：「我覺得過程比結果更重要，過去三年我訓練盡咗自己努力，喺比賽中做到自己最好，就覺得無遺憾」。何指明白不同人對她有不同期望，然而「期望唔同（個人）目標」，「自己做到目標，每個人有自己意見，無乜所謂」，笑言「我自己都少睇關於自己嘅報道」。

她亦直言去屆奧運心態緊張，由於不知能否於下屆奧運出賽，故「今屆想享受」，亦指今屆氣氛比上年濃厚，「好多市民都飛去巴黎睇比賽」，她在場內遇見香港區旗亦會盡力揮手致謝，「真係好感激大家一路以來嘅支持」。

回應泳總風波 促分配更多資源普及游泳

被問及早前的泳總風波，何詩蓓指「真係去到高水平嘅就應該可以去參加比賽，去同其他運動員競爭」，希望游泳更普及，「更多人享受游水嘅樂趣同參加比賽」。她指明白泳會租泳線或有所困難，「過去幾年都有好多泳會教練同我講，好多學生想增加訓練時數，但泳線不足就做唔到呢樣嘢」，稱「睇吓可以點樣分配更加多資源畀更加多嘅小朋友去學游水，一路游到去高水平。」