康城記者會遲大到！尊尼特普霸氣回應被封殺：我唔需要荷里活

荷里活男神尊尼特普（Johnny Depp）繼出席完新片《Jeanne du Barry》於《康城電影節》舉行的首映後，昨晚他亦有出席該片於當地舉行的記者會，不過他因塞車而遲到40分鐘，雖然遲到但到場時他仍然獲在場人士報以喝采聲及掌聲。

尊尼首先答謝首映的觀眾拍掌支持部戲，他直言自己對觀眾的反應感到非常自豪。據知記者大部分提問都是環繞尊尼，而他亦表明自己在此是談論部戲而非私生活，當記者問他有否覺得自己被荷里活抵制時，他就霸氣回應：「乜我被抵制咩？我唔覺得被荷里活抵制，因為我唔會去諗荷里活，我唔需要荷里活。呢個係一個奇怪而有趣嘅時代，每個人都希望能夠做自己，但佢哋做唔到。佢哋必須同面前嘅人保持一致。如果你想過呢種生活，我祝你一切順利。」雖然外界視新作為他的復出之作，不過他就不認同復出的說法，他笑言今次是自己第17次復出。並強調過去5、6年所流傳的新聞，全都是虛構的故事，所以他並不在意。