張寶兒佗B逾3個月 無懼犯禁着4吋高跟鞋

張寶兒佗B逾3個月 無懼犯禁着4吋高跟鞋

藝人張寶兒今日(2日)出席《2023香港小姐競選》全球招募最後召集記者會,昨日在社交網公布懷孕的寶兒以4吋高跟鞋上陣,有孕逾3個月的她仍未見肚,講到犯禁穿高跟鞋,她笑言:「受過港姐訓練,所以企得隱,我本身係着拖鞋,嚟到現場先換高跟鞋,呢對難都好隱陣。(有冇問准老公袁偉豪?)依家還好,慢慢行囉,不過拎重嘢或者跨過障礙物,佢就會問我做乜同捉住我。」

剛宣布懷孕嘅張寶兒踩4吋高跟鞋現身活動。
剛宣布懷孕嘅張寶兒踩4吋高跟鞋現身活動。
佢話老公唔擔心,反而拎重嘢時較緊張。
佢話老公唔擔心,反而拎重嘢時較緊張。

問到為何選擇昨日六一兒童節公佈,她解釋因昨日剛看完醫生,醫生稱情況穩定,故即時上網跟大家分享。寶兒指妊娠反應軒輕微,只有少許胃脹及嘔吐,但胃口就改變了:「食得清淡咗,同鍾意冇乜調味,食好多澱粉質。」至於會否停工?她坦言等公司安排,最緊要工作本身安全,自己不介意開工,因為怕悶。問到老公是否十分緊張?她說:「佢知道我會照顧自己。(預計生幾個?)暫時生住一個試吓水溫先。(今次懷孕係計劃之內?)一直都想要,但就冇認真去計劃同執行,覺得隨緣,啱嘅時候就會有。(之前喺內地工作時製造?)應該唔係,嗰段時間好忙,周圍飛。(依家要停飛?)近期喺屋企,休息多啲。(準備咗BB嘢未?)要先執屋,不過盡量都唔想郁到老公嘅工作室同我嘅衣帽間。」

佢又表示唔介意繼續開工,因自己怕悶。
佢又表示唔介意繼續開工,因自己怕悶。
透露暫時計劃生住1個先。
透露暫時計劃生住1個先。

她透露暫時未為BB改乳名,由於粉絲愛以袁寶來稱呼她與老公,故BB暫名袁寶寶,已有不少朋友及網民在社交平台分享懷孕經驗等等。