張智霖兒子「魔童」張慕童舊片被指歧視亞裔惹議 發文道歉：作為中國人要有擔當

袁詠儀和張智霖嘅囝囝「魔童」張慕童（Morton）唔經唔覺就嚟17歲，年輕人透過社交網站上載影片及照片分享生活點滴係好平常嘅一件事，但係就好容易捲入風波。魔童喺2021年年尾於IG Story大玩「你問我答」，有網民問：「Are You in China now?」，之後他以英文回答話：「No not right now」，不過背景係香港中環摩天輪上拍嘅照片，於是被網民解讀為「香港非中國」，隨即辣㷫一班內地網民，搞到媽袁詠儀要喺微博出PO道歉澄清。去到近日，魔童早前嘅一條舊片被翻出，而歌詞及手勢被指歧視亞裔，結果被網民炮轟。

最近魔童有一條舊片被翻出，片中魔童睇落年紀尚輕，一定唔係近期所拍攝，佢喺片中手足舞蹈咁唱出英文Rap，更做出疑似歧視亞裔手勢：「I asked if they can see, they should know I’ve given the glasses they become the math pro, they from Gaungzhou, they see me eating doy, they say they want some.」影片被翻出後，唔少網民都鬧爆魔童兼質疑佢父母冇做好責任。

影片引起熱議後，噚日魔童喺IG出PO道歉：「大家好，我是張慕童，很抱歉因為我個人的不當言行，給大家帶來了困擾。關於4年前那段模仿rap視頻，我在此鄭重道歉。我知道自己犯了嚴重的錯誤，和所有人說一句：對不起，我錯了。我在長大的過程中犯過很多錯誤，大家發現就多指教和批評我，做出了蠢事就該接受批評。我馬上17歲了，我的心智逐漸成熟，我清楚知道，我作為中國人要有擔當，有錯要認，有錯更要改。希望在末來的日子裡，大家能繼續指導我，指正我，讓我在不斷改進中，成為一個更好的人，謝謝大家。」

此PO一出後，唔少香港網民留言力撐魔童，例如「你宜家16歲，4年前大約12歲，其實同朋友玩鬧嘅video有乜問題？唉，冇辦法啦，邊個叫你父母係明星，你個成長過程注定唔平凡。」、「真係慘。。乜自由都無」、「四年前嘅有咩必要道歉？ 小朋友係唔係都會做錯嘢？ 任何國籍都會根本唔需要特登道歉」、「bb，細路仔唔知世界唔係你嘅錯，依家知就得喇，你都唔係有心嘅，邊個細個冇做錯過嘢呢」、「你很棒！加油！！！酸言酸語、過目就好、別記心！你是很棒的一個人！！！」、「你不需要為任何人而道歉。 你只是一個小孩，只要不犯法的你都可以做。做你自己吧。 知道你環境特素但不需要什麼都道歉。 加油」及「又唔使道歉咁嚴重嘅，細路仔玩吓啫」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！