張栢芝索爆小背心行超市 Nice爆揮手星味滲出口罩

·1 分鐘文章
張栢芝索爆小背心行超市 Nice爆揮手星味滲出口罩

近年成功攻陷內地市場嘅藝人張栢芝,有指佢已經定居上海,要撞佢就要北上追星。前日(24日)就有網友喺一間商場嘅超級市場入面偶遇女神,當日見佢單拖出巡,僅帶上口罩同帽,以貼身小背心襯穿窿牛仔褲現身,一身索爆。網友公開偶遇片段,當時佢明顯係搵緊嘢,不過出名親民嘅佢當發現被偷拍時,反而輕鬆對鏡頭揮手又Say Hi,完全冇明星架子,網友仲即刻讚佢靚女,搞到佢行咗去都專登轉身合十兼點頭,自然被狂讚有禮貌,仲話佢係藝人典範,星味隔住口罩都滲晒出嚟!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能