張致恒一家六口外出食飯慶祝大仔5歲生日 IG感慨發文：千祈唔好好似daddy咁失敗

張致恒（Steven）與老婆區燕雯（雯雯）喺2019年奉子成婚，婚後佢哋生完一個又一個，總共誕下4個囝囝（張天寶、張天牧、張天朗及張天樂）。唔經唔覺大仔張天寶已經5歲，Steven仲喺社交網站上載多張外出食飯嘅慶生照，並感慨留言叫：「千祈唔好好似daddy咁失敗」。

喺噚日（11日），Steven喺社交網站上載一家六口外出食飯，慶祝大仔生日嘅照片，並留言話：「張天寶五歲生日快樂，轉眼間就已經五歲了，日子過得好快，想當日仲趴喺我心口度瞓覺我喺度打機，而家百厭調皮直情係一隻馬騮，我冇咩嘢寄望，只係寄望你快高長大～健康成長～努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！超級愛你的daddy上！」

呢個PO一出，唔少網民都留唔少網民都紛紛留言祝賀囝囝牛一，並留言支持及鼓勵Steven，例如「你開始生性都唔遲呀」、「加油吖唔好比人睇死，祝小朋友身體健康」、「有正能量，好運就會跟隨你。」、「唔好咁話自己！仲好後生咋～～」、「一日未完場都未知結果係點，加油」、「你快40歲啦！要大個仔架啦！」、「湊大佢地已經好勁，加油！捱過就會好！」、「繼續努力呀 為自己加油,更加為老婆、仔仔 加大油」及「讀唔到書唔緊要的，做人一定要有一技之長！加油啊！做好榜樣俾小朋友睇！」等等。不過亦都有網民留言揶揄佢，更質疑佢哋為博同情同曝光，例如「一時離婚，一時一齊 一時狗咬狗骨」、「娶到呢個老婆最失敗」、「冇錢仲要生咁多個，真失敗！」、「有米食貴嘢，睇嚟無錢都係博同情做收入」、「佢仲有冇第二句 一係又話冇錢 係就叫網民捐錢呀 自己做嘢就懶懶行」及「你吾係失敗，你係墮落，有咁好既牌都吾識用，吾識利用你做明星既名氣，又吾識利用流量，更吾識安份做普通打工仔」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！