張致恒否認要求改打拳規則 大J晒與鍾培生對話截圖反擊

·1 分鐘文章
張致恒否認要求改打拳規則 大J晒與鍾培生對話截圖反擊

林作與鍾培生的「百萬擂台戰」成為全城熱話,而另一場藝人張致恒(Steven)對戰網絡紅人大J嘅拳賽同樣是非不斷,日前大J拍片踢爆指Stevn疑減磅失敗,突然要求調高原本70KG嘅對賽體重要求,鬧爆對方Hea操,之後又爆料指收到主辦方通知,希望將每回合打3分鐘改為2分鐘,原因係Steven怕體力應付唔到,並表示如果堅持打3分鐘就選擇退賽,大J接受改動,但就提出要求對方增加罰款或公開道歉及解釋改動原因,又笑指:「結果對面係選擇增加罰款(我到時收唔收到,就到時再算)。」

昨日(11日)Steven終於開腔回應事件,佢於社交網上載一張練拳嘅黑白照,交代操練情況:「要兼顧工作及照顧家人,訓練確實係唔足夠,減20Kg係好辛苦,好疲累,堅持住!」更強調:「一直都係依照拳賽指標減磅,冇要求任何人遷就甚麼,做好本份就好!好多謝老婆、教練、團隊嘅支持同埋包容,18號見!」間接否認大J嘅指控。不過大J隨即PO出聲稱與鍾培生嘅對話截圖,指出Steven曾提出改動,又表示:「欠債人:『冇要求任何人遷就甚麼』一係你講大話,一係鍾培生講大話,邊樣?」

張致恒否認要求改打拳規則 大J晒與鍾培生對話截圖反擊
張致恒否認要求改打拳規則 大J晒與鍾培生對話截圖反擊
大J晒與鍾培生對話截圖反擊張致恒。
大J晒與鍾培生對話截圖反擊張致恒。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能