張馳豪細佬張馳杰奪「全球先生」亞軍破香港最佳記錄 Aska公開祝賀

選美唔再係女士專屬活動，近年愈來愈來男士參選。第9屆「全球先生」選美活動歷時兩個月，前日（26日）終於喺泰國Maha Sarakham舉行決賽，結果香港代表張馳杰（Oliver）勇奪亞軍及「最佳泳裝」獎項；而原來佢就係《聲夢傳奇》出身嘅歌手張馳豪（Aska）弟弟。

Oliver現職健身教練和模特兒，身材健碩，除咗麒麟臂，更擁有腹肌與腹部線條，大隻加上陽光笑容，成為大熱。Oliver決賽當晚表現出色，成功打敗其餘35位肌肉猛男，率先奪得「Best in SWIMWEAR」（最佳泳裝），最終更奪得亞軍，而冠軍為印度代表Jason Dylan Bretfelea；季軍則係智利代表Alvaro Flores Carvajal，Oliver亦已刷出新香港最佳記錄。Oliver自拍短片答謝支持佢嘅人，透露自己即將回家，更預告會開直播傾今次參賽感受；隨後，張馳豪亦於社交平台轉發，並公開祝賀Oliver得獎。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！