待嫁何超蓮閃爆全場 冧拖竇驍撼張智霖夫婦

賭王三房千金何超蓮盛傳4月將下嫁內地男星竇驍結婚，消息指兩人將在峇里島舉行豪華婚禮，尋日（28日）係超蓮傳出婚訊後首次同竇驍孖住現身，未知係咪待嫁新娘心情特別靚，見佢狀態大勇，一身黑色泰山裝連身長裙上陣，更顯得佢膚色白到發光，加埋條長辮，型格得嚟又有魅力，同身旁嘅竇驍合照時更加滿臉幸福，養眼又夠Sharp。至於同場嘅張智霖及袁詠儀，亦被大讚狀態一如既往咁好，更有人將張智霖同竇驍比，指兩大男神都係「愛妻號」，何超蓮同袁詠儀都係少女們嘅羨慕對象。