微辣阿晶逝世︳前度加蔥宣布退出微辣 否認迫墮胎及出軌 向阿晶道歉

昨日（26日）網路頻道「微辣」前經理人 Jane（阿晶）受抑鬱症困擾輕生離世，留下千字遺言控訴前公司微辣文化，包括成員曾作欺凌、恐嚇行為等。微辣文化原定下月舉行的 10 周年演出因而宣布延期。事件持續發酵，阿晶的舊愛加蔥因被指強迫阿晶墮胎，加上一度自稱「不婚主義」的他去年突然向女友儀仔求婚，令他備受網民抨擊，指他有份逼死阿晶。

加蔥今晚（27日）終首度發聲，於 Youtube 發布名為「對不起」、長達 8 分鐘的短片，全程黑畫面。他首先宣布將退出微辣，「我唔希望因為自己做過嘅嘢影響其他唔關事嘅人...對唔住阿晶」，亦對同事感到抱歉。

對於阿晶墮胎一事，加蔥指要為自己做過的事負責任，「因為始終小朋友呢件事，令到佢嘅情緒唔好」。但他否認強迫阿晶墮胎，強調是「大家傾完決定唔要」。他續指，理解很多人想為阿晶討會公道，但他並不會為網上亂帶風向及造謠的人負責，故選擇交代清楚事件。

他續指：「我同阿晶 19 年 3 月尾知道有小朋友，4 月決定唔要小朋友。我講咗好多次真係冇迫到，由我哋有小朋友，我話可以生出嚟，一齊養，到後面大家傾咗好多，覺得唔係咁適合，所以我就唔想要小朋友，最後大家傾完決定唔要，呢個係事實。當然佢去當日，我冇陪佢，呢個係好錯嘅事。」

至於外間指他未與阿晶分手就搭上未婚妻儀仔，加蔥指他與阿晶於 2021 年 1 月分手，9 個月後方跟儀仔拍拖，否認外界對他出軌的指控：「我同阿晶 2021 年 1 月分手，唔存在第三者，唔係話未一齊就想追第二個。」他強調所有事情均有證據證明。

加蔥又說阿晶才剛剛去世，不認為這是一個適當的時間交代太多，「呢個時候同大家講聲對唔住，對唔住其他同事，因為呢件事影響咗你哋好多無辜嘅人。」

阿晶之前還在微辣時，與加蔥是一對情侶，但在 21 年阿晶退出微辣時，已經與加蔥分手。其後更爆出墮胎事件，雖然一開始加蔥沒有承認，直至阿晶拿出超聲波相，他才承認曾發生過這件事。而在阿晶的遺言中亦提到，因為墮胎一事，導致她患上抑鬱症。

防止自殺網求助熱線：

賽馬會青少年情緒健康網上支援平台「Open 噏」：http://www.openup.hk

香港撒瑪利亞防止自殺會： 2389 2222

利民會： 3512 2626

生命熱線： 2382 0000

東華三院芷若園： 18281

明愛向晴軒： 18288

社會福利署： 2343 2255

撒瑪利亞會熱線(多種語言)： 2896 0000

醫管局精神健康專線： 2466 7350