愛回家丨「細龍生」鄭世豪準時但被屈 出IG Story：呢份工真係越好人越難撈

TVB處境劇《愛·回家之開心速遞》一直深受劇迷同網民愛戴，贏盡口碑及收視。唔少劇中演員成功入屋，當中包括飾演「細龍生」龍力士嘅鄭世豪，佢喺劇中除咗與Luna（何沛珈飾）有感情線之外，佢經常與家姐「大小姐」龍力蓮（林淑敏飾）為爭奪「接龍集團」及「威龍百貨」承繼權而鬥氣，鬧出笑話連篇。喺劇中戲份不少嘅鄭世豪，為劇集日以繼夜拍攝，不過佢喺噚日（1日）出IG限時動態稱被屈，鬧爆好人難做。

喺噚日，「細龍生」鄭世豪喺IG連環出咗三個限時動態，首先佢喺自拍照寫上：「呢個世界係奇怪的，一直太好人太準時，習慣毫無怨言的我，就算今日天地間要等7小時，也會比人老屈等我的。」並開投票功能問大家佢應該「嬲爆炸」定係「得啖笑」，而大部分網民都改佢得啖笑算喇！再之後，鄭世豪再出限時動態，寫上：「呢份工真係越好人越難撈，係時候收自己皮！」最後，完成拍攝工作嘅佢，前往歌唱學校教唱歌，不過似乎仍未釋懷寫上：「教人家唱歌更高興，尤其見到學生進步神速。」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！