愛回家｜郭珮文客串袁文傑秘書 緊身衫加倒奶誘惑 KC流晒鼻血

TVB處境劇《愛．回家之開心速遞》不時加入新演員，昨晚（16日）播出《非常外父玩謝未來女婿》一集就有應屆落選港姐郭珮文（Juliana）客串，飾演潮偉（袁文傑飾）性感迷人嘅新秘書Rose，惹片場大部份男士都神魂顛倒，例如杜導（李啟傑飾）即時狗公上身，扮自己未結婚。

郭珮文一出場就將外套拉鏈拉低，露出心口向KC（歐瑞偉飾）自我介紹，令KC流晒鼻血，根叔（劉丹飾）及後發現Rose（郭珮文飾）對潮偉別有用心，於是設法阻止及搵藉口逼潮偉辭退新秘書，又時殺上潮偉辦公室，阻止佢同Rose單獨相處。於根叔幻想片段中，穿上性感睡衣嘅Rose拿黑啡及牛奶問袁文傑洗唔洗加奶，又將牛奶刻意倒瀉喺心口，借用潮偉洗手間沖涼後僅用毛巾包住自己並將袁文傑推倒於床上，之後Rose更加將目標轉移到根叔身上，對根叔勁熱情。

對於郭珮文嘅演出，唔少網民都直言希望將來戲份可以再多啲：「搞笑，幾好吖俾D機會新人，Juliana演得唔錯呀」、「愛回家所有女藝人可以請假休息」、「Juliana笑起來幾好啊」、「郭珮文又確實幾靚女」及「比起扮野學院既表現，自然左，表情多左！」等等。不過，亦都有唔少網民批評：「低俗愛回家」、「同高寧差好遠」、「 意識不良」及「高Ling做得好好多、人家是演戲帶表情的」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！