戀講嘢|楊埕曾涉同居情侶傷人案 ViuTV節目重提上C1一事

戀講嘢|楊埕曾涉同居情侶傷人案 ViuTV節目重提上C1一事
戀講嘢|楊埕曾涉同居情侶傷人案 ViuTV節目重提上C1一事

ViuTV節目《晚吹- 戀講嘢》最新播出一集(1月31日)以「人上C1我上C1」為題,邀請到2014年退選港姐楊埕作嘉賓,當年楊埕被封「清純栢芝」成為大熱,卻因唱片公司合約問題退選,直至2017年簽約TVB,首部出演嘅劇集就已經係重頭劇《再創世紀》,於劇中飾演周勵淇秘書王子琳,之後參演過《使徒行者3》、《黃金有罪》、《白色強人》、《兄弟》等劇集,又於《愛•回家之開心速遞》客串「車厘子」一角介入鄭世豪和陳偉琪婚姻,令人印象深刻。楊埕曾投資百萬開美容院、開設製作公司,又曾到北京中央戲劇學院修讀戲劇表演系,日前楊埕就於《戀講嘢》重提2020年上C1頭條一事。

有指楊埕2020年涉及一宗同居情侶傷人案。根據報章C1頭條報道,指一對同居男女疑因感情問題於寓所大打出手,女方向男方提出分手時,有一方因飲醉酒致情緒激動,毀壞家具及用刀指嚇對方,二人最終受傷並送院治理。之後,男方被控藏有攻擊性武器、普通襲擊及刑事毀壞罪名,女方則涉嫌傷人被拘捕。起初楊埕否認係事件女主角,仲叫粉絲唔好相信,但最終承認與事件有關,又解釋當初因為唔想父母擔心而講大話。楊埕於《戀講嘢》表示,嗰次嘅C1頭條令佢事業形象一落千丈,仲指出當時男朋友人前人後唔同樣,人前係名好好先生,人後就試過發酒癲、跳車、跳樓。

楊埕亦曾於2019年IG留言,並以「#港姐MissM」及「#MrW」Hashtag某香港小姐及當時男朋友,鬧爆佢哋,矛頭直指有人橫刀奪愛:「不懂得拒絕女生的男人非斬不可!當女友在旁,照顧所有朋友是盡顯風度。出雙入對只照顧一位剛認識的是盡顯風流!作為女生有自信是好事但莊閒要識分!」楊埕並無對外公開Miss M身份,而英文名M字頭嘅港姐分別有劉佩玥(Moon)、麥明詩(Louisa Mak)、黃智雯(Mandy)、阮嘉敏(Mandy)、邱晴(Mandy)、麥美恩(Mayanne)及文凱玲(Connie Man),呢7位港姐成最大嫌疑人。

《晚吹- 戀講嘢》截圖
《晚吹- 戀講嘢》截圖
《晚吹- 戀講嘢》截圖
《晚吹- 戀講嘢》截圖
《晚吹- 戀講嘢》截圖
《晚吹- 戀講嘢》截圖
楊埕
楊埕
楊埕
楊埕
楊埕
楊埕
楊埕
楊埕
楊埕
楊埕
楊埕
楊埕
楊埕
楊埕

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!