成人教科書丨小學生想扮靚似Anson Lo點知變咗似Edan

TVB綜藝節目《成人教科書》由洪永城（Tony）擔任主持，Tony帶領23位小朋友面對各種校外體驗，從而帶觀眾突破傳統思維框框，而第一個星期嘅主題就係「男女」。去到第三集，繼10歲妹妹Koey嘅心愛公仔被丟棄爆喊後，輪到11歲嘅小六學生蔡施齊加入「男孩扮靚室」 ，期間施齊表示想扮靚變MIRROR成員Anson Lo，經過一番改造後竟然變成MIRROR另一成員Edan。

喺第三集，11歲嘅小六學生蔡施齊認為扮靚係無分男女，男仔注重外表都應該扮靚，因為可以俾人見到自己最好嘅一面，不過佢就接受唔到男仔塗指甲油。施齊仲話如果可以扮靚似Anson Lo嘅話，佢就會好開心。之後洪永城就帶咗施齊去搵造型師Ricky，為佢進行大改造。喺經過一輪改造後，施齊搵咗一套好有型嘅衣服、剪頭髮、化妝、及塗黑色指甲油等等，由一個斯斯文文嘅男仔，變成一個帥氣小男生。

雖然施齊表示扮靚後想變成Anson，不過節目出街後唔少網民話佢似另一鏡仔－Edan，而Edan亦有喺IG出Story，並搞笑話：「想變ansonlo 點知變咗Edan」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！