【持續進修基金】盤點2021最新熱門課程 學車/中醫/寫APP/整水喉

·9 分鐘文章
持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

相信唔少人都知政府有個持續進修基金(CEF)嘅存在,但點樣好好運用下依個增值機會就未必人人都識,其實要求無乜難度,不如趁而家多咗出嚟嘅時間可以好好咁計劃一吓啦!只要你合乎資格,就可以申請最多$20,000嘅資助,無論學習新技能抑或提升個人競爭力,甚至用嚟培養興趣都得!趁著新年新氣象,就等Yahoo著數專員為大家整合8個較新熱門嘅課程,當中有短有長,悉隨尊便!

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

持續進修基金申請資格

只要你報讀CEF嘅認可課程,係修畢課程後一年內同年齡介乎18至70歲,就可以無限次申領合共最多$20,000嘅資助。申請人亦須為香港居民並擁有香港居留權、香港入境權、有權係香港逗留而不受任何逗留條件限制(即智能身份證出生日期印有A、R或U)或持有單程證嘅人士。

注意事項

CEF只係會幫你支付課程嘅部分費用,所以你亦會需要承擔剩餘嘅費用:首$10,000資助中,基金資助為所報讀課程費用嘅80%,而學員需自付20%。而次$10,000資助基金,資助額為60%,學員則需自付40%。如最後未有用盡資助金額,餘額會存入申請人嘅帳戶之中。

都係唔知自己要比幾多?大家可以用持續進修基金資助計算器輸入學費同你基金賬戶結餘,一click就知!

1. 香港駕駛學院有限公司—私家車駕駛證書課程/輕型貨車駕駛證書課程

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

講到近期最值得留意嘅當然係駕駛學院嘅私家車同輕型貨車駕駛課程正式可獲CEF資助,所以呢個可算係一位難求!成功申請CEF嘅最高資助金額同發還部份學費後,學員實際只需付$5,122。不過,需要注意嘅係基金資助不包括考試租車費$1,950、 運輸署學習駕駛執照同運輸署考試表格費$1,058。所以其實攞CEF考車牌一共要支付$8,130。除咗要報讀2021年10月31日前開辦嘅課程外,上課地點亦只限駕駛學院嘅沙田分校或元朗分校。

雖然現時預約報名名額已滿,但大家仍可留意住香港駕駛學院網站,如有預約人士放棄報名,剩餘名額會係網站公布。

‧學費$19,056
‧屬兼讀制、修讀期12個月(面授時數36小時+畢業考試1小時)
‧以粵語授課
‧資歷架構級別:3
‧CEF課程編號:私家車駕駛證書課程 33C121778/輕型貨車駕駛證書課程 33C121786

詳情:請按此

2. 香港大學專業進修學院—中醫藥膳工作坊

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

由於近年香港人開始注重養生,加上舊年嘅疫情影響,大家都希望可以利用食療或者養生方法去提高自身嘅免疫力。而且藥膳喺預防疾病以及病後身體調養方面都非常重要,利用藥膳來養生保健已好普遍,但各人體質唔同,透過親身製作藥膳,學員可以更了解藥膳的基本知識同製作技巧,進一步掌握養生同調理身體嘅方法。

課程包括基本嘅中醫學概念,學員可以認識到常用保健中藥嘅功效,常用食物嘅性味和特點,仲有藥膳嘅制作,無論係預防三高、健脾安神、潤肺止咳、消除疲勞甚至美顏等功效,都一一為家人為自己做到。

‧學費$5,800(報名費$150)
‧屬兼讀制、修讀期4個月
‧以粵語授課
‧資歷架構級別:2
‧獲發證書:《中醫藥膳工作坊證書》
*CEF課程編號:41C114549

開課日期:23/02/2021
報名截止日期:05/02/2021
詳情:請按此

3. 機電工程協會—水務喉管安裝證書

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

其實近年機電工程界響起警號,出現咗技術人員老化及人才斷層的情况,加上公私營建造項目陸續落成同日常的更新保養項目,正正需要吸納更多機電工程生力軍。此行業入行門檻不高,有意投身者可透過多元進修途徑,掌握水務、電力、冷氣、消防、防盜及通訊等不同範疇的知識和技能,再考取相關牌照,可以獲得技能中工及資歷架構(QF)級別證書,為自己強化就業競爭力,更能夠為日後移民舖路,因為喺外國求職可以有所根據,認受性獲得肯定,方便謀生,無論日後創業或自僱都可以打下良好根基,加上即使在家作簡單嘅DIY維修保養,都冇問題,無需外求。

‧學費$10,000
‧屬兼讀制、修讀期2個月(40小時)
‧以粵語授課
‧資歷架構級別:1
‧獲發證書:《水務喉管安裝證書》
‧CEF課程編號:79C098826

開課日期:待定
報名截止日期:待定
詳情:請按此

4. 職業訓練局—IPHONE IPAD 應用程式開發

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

喺現今社會,每個人除咗要有一張身分證外,人人幾乎必有一部手提電話在手。我哋嘅日常生活大小,由通訊、交友、購物、理財、娛樂甚至工作,都依賴手機裏嘅Apps。亦因為咁加速咗應用程式開發行業嘅發展,各產業也嘗試開發Apps去開拓更多商機,增加客源,所以開發Apps係大勢所趨,而Apps開發人員亦變得愈嚟愈吃香!

寫App可能對好多人聽落都好遙不可及,好似冇程式語言嘅認識就註定無法入行。唔知點開始學寫App?依個課程就絕對係一個好機會!報名冇要求一定嘅專業基礎,課程內容包括編寫程式語言、設計用户界面同理解現時iOS App嘅市場走勢。

‧學費$6,250
‧屬兼讀制、修讀期1個月(30小時)
‧主要為粵語,輔以英語
‧資歷架構級別:N/A
‧獲發證書:《IPHONE IPAD 應用程式開發證書》
‧CEF課程編號:28Z051236

開課日期:02/03/2021
報名截止日期:待定
詳情:請按此

5. 香港中文大學專業進修學院—特殊教育需要文憑課程

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

隨着生活環境越來越好,加上父母教育程度提高,以往可能比較忽視嘅兒童教育,特別係特殊教育亦隨之重視起來,對呢方面亦認識深咗。依個課程可以令家長、照顧者或者係有志於家居或學校中支援有特殊需要學童嘅人士認識到學童不同嘅發展模式、特殊學習需要及行為障礙嘅成因。而且亦有機會到訪特殊單位參觀訓練實況及參與實務訓練,讓學員可以辨識同評估學生嘅特殊學習需要和行為障礙,喺屋企同學校互相配合,營造有利嘅學習環境,實現全人發展。課程最重要嘅係仲有支援技巧嘅策略同專題研究,令你知道有需要嘅學童如何得到最適切嘅幫助。

‧學費:$28,000(報名費:$150)
‧屬兼讀制、修讀期18個月(約216小時)
‧主要為粵語,輔以英語
‧資歷架構級別:3
‧獲發證書:《特殊教育需要文憑》
‧CEF課程編號:35L121334

開課日期:19/02/2021
報名截止日期:11/01/2021
詳情:請按此

6. 香港職業發展服務處—物理治療及職業治療助理證書

持續進修基金課程2021-香港駕駛學院持續進修基金-學車持續進修基金-物理治療-特殊教育
【持續進修基金】盤點2021最新熱門課程 學車/中醫/寫APP/整水喉

物理治療同職業治療以往唔屬於比較熱門嘅職業,但由於人口老化問題日益嚴重,安老服務成為其中一樣重要嘅項目,加上有部份工作咗段時間嘅人開始考慮轉型,而且入門嘅門檻較低,於是物理治療及職業治療嘅需求開始大增。

呢個課程除咗可以學到健康同職業治療嘅基本概念外,仲可以掌握到物理治療嘅方法同技巧,對家中有認知障礙症病人或長者嘅人士,係一個難得嘅好課程!而有意入行嘅人士,更可以修畢課程後入職為物理治療或安老服務業職業治療助理嘅工作。

‧學費:$6,800
‧屬兼讀制、修讀期4個月(約134.5小時)
‧以粵語授課
‧資歷架構級別:2
‧獲發證書:《物理治療及職業治療助理證書》
‧CEF課程編號:41C130838

開課日期:19/04/2021
報名截止日期:待定(15/03/2021起接受報名)
詳情:請按此

依6個課程都唔啱你心水?其實依家可獲CEF資助嘅課程種類十分廣,又多元,除咗短期、證書同文憑課程,八大院校嘅副學士、學士、碩士課程都包括在內 ,總有一適合你!大家可以上持續進修基金嘅搜尋器睇下邊啲係CEF認可嘅課程或認住有CEF logo嘅課程啦!

下載全新Yahoo App

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞!新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能