捲入鍾培生袁嘉敏糾紛 葉蒨文靠努力由「同學甲」變「島大四美」

·2 分鐘文章

袁嘉敏上周出post數落鍾培生父子,引爆大量花生,今日更有指袁嘉敏因為不滿鍾培生同TVB藝人葉蒨文關係密切而玩自爆。而葉蒨文就承認同鍾培生相識,有一齊去慈善晚宴,但只係一大班人出席。

捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」

葉蒨文因為拍《愛.回家之開心速遞》而為人認識,上年簽埋TVB經理人合約做「親生女」,今次事件令佢多咗人識,可能係好事。

29歲嘅葉蒨文(Sophie)出身於單親家庭,有2個大佢成20年嘅哥哥同家姐,中五畢業後到英國讀書,畢業於京士頓大學服裝設計系,同陳奕迅係校友!Sophie亦有學跳舞,並曾經去北京舞蹈學院考中國舞12級資格試。

捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」

大學畢業後Sophie因為想做演員而參加2016年港姐,但係30強止步,不過獲無線招攬加入做藝員。新人入行多數做「茄喱啡」,葉蒨文當然做過路人甲,而《愛.回家之開心速遞》入面,本來只係安排Sophie做熊心如(蘇韻姿飾)其中一個同學,角色名都冇。後來因為監製睇中先成為固定角色Candy,甚至被唔少觀眾記得係「島大女神」之一。舊年年頭葉蒨文成為TVB「親生女」之後,年尾台慶頒獎禮即刻入圍「飛躍女藝員」。

捲入鍾培生袁嘉敏糾紛 葉蒨文靠努力由「同學甲」變「島大四美」
捲入鍾培生袁嘉敏糾紛 葉蒨文靠努力由「同學甲」變「島大四美」

喺捲入「袁鍾之亂」之際,葉蒨文喺IG 限時動態post同男友慶祝拍拖4周年嘅合照,原來男友係藝術界人士,亦好支持女友做演員。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能