攞過視后好滿足 嘆感情難受控 李佳芯心急搵老公

·1 分鐘文章
李佳芯當獎項是Bonus,寧願盡快搵個好歸宿。
李佳芯當獎項是Bonus,寧願盡快搵個好歸宿。

李佳芯與相戀6年的陳炳銓分開後,重拾「黃金盛女」身份,她坦言事業方面感滿足,不渴求再奪視后,反而想直接搵個好老公,而非男友!

視后李佳芯(Ali)昨日在銅鑼灣出席活動,對於外間大讚她在劇集《智能愛人》扮演機械人的演繹,睇好她再奪視后,她笑說:「依家言之尚早,年底仲有好多大劇出街。其實要演機械人,我都冇乜信心,都係摸着石頭過河,出到嚟觀眾鍾意,我覺得仲想點,唔會諗攞獎,有獎係Bonus,我滿足於現狀。」

回復單身的她,被問想找個男朋友還是再奪視后?她笑說:「我想搵個老公,唔係想搵男友,直接啲!事業係緊要,但係滿足現狀;感情就難控制,如果有得揀,梗係揀樣控制唔到嘅!」

無意轉會

對於曾志偉榮升無綫總經理,她說:「冇留意高層變動,但升職、加薪係開心事,對我就冇乜影響。我唔係主動嘅人,自己長處都唔知,好似以前都唔知自己適合拍劇,都係拍過先知原來可以。」另外,有傳前無綫高層余詠珊回巢有線,有意招攬她,Ali揚言與無綫仍有數年合約,無意他投:「完全唔知有呢件事,一直冇私下聯絡。」

李佳芯調製飲品時變咗「大笑姑婆」。
李佳芯調製飲品時變咗「大笑姑婆」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能