新年好去處2024｜機動電視台RTV首個商場年宵展覽！期間限定店+年宵市集 5大龍年打卡位、鄭中基現身拜早年

WEE～今個農曆新年，由鄭中基Ronald主理的Youtube頻道「機動電視台RTV」將登陸元朗YOHO MALL舉行首個商場展覽—「猛龍個MALL」，設有5大龍年打卡位及「My Only Store」大佬好嘢期間限定店，更邀得逾40間IG人氣品牌舉辦「暴龍龍躍開運年宵」，大佬鄭中基更會「偶然成為一日店長」，於指定周末現身同大家見面一同迎接龍年！

5大龍年打卡位 祈求行大運

「猛龍個MALL」將於2024年1月18日至2月13日於元朗YOHO MALL舉行，屆時場內設有5大龍年打卡位，包括近4.5米高「有種好運老虎機」只要拉桿即能測試自己龍年運程、「大佬鬆畀你麻雀館」甩甩牌拼湊出啜核獨特的祝賀語句、4.5米高「龍運當頭許願樹」誠心許願、走入「匪夷所思直播間」與身穿暴龍裝扮的「湘姐」及「Mama Step」一同主持匪夷所思事件，以及「時來運到天下無敵風中轉」轉轉風車，既能打卡又能祈求龍年行大運！

大佬好嘢期間限定店 鄭中基將現身拜早年

同場亦設「My Only Store」大佬好嘢期間限定店，推出多款會場限定周邊，大部分更是全新亮相，包括招財進寶買大細魚蝦蟹雙面地氈豪華套裝、大佬豪畀你利是封套裝、機動十二隻恐龍去拜年揮春套裝、龍運當頭圓領衛衣新衫過龍年等，單單是產品都同鄭中基一樣充滿喜感，送禮自用都得！鄭中基更會「偶然成為一日店長」，於指定周末現身同大家拜早年！

年宵市集齊集逾40個IG品牌

如期間限定店都未夠喉，活動邀得40個IG人氣品牌舉辦「暴龍龍躍開運年宵」，當中YOHO MALL I匯集各類本地手作、食品、寵物產品等，不少品牌更聯乘大佬好嘢和加入「龍」年元素，推出賀年精品及送禮套裝！而YOHO MALL II則以「花」為主題的市集，除了有賀年花市之外，更齊集多個花藝及香薰主題品牌，推出各種優質年花及擺設！另商場亦推出以幾何圖形及綫條為主軸的「形‧點邁進」利是封套裝、「繁花似錦」掛飾，以及賀年禮盒，The Point 會員憑指定消費或指定積分即可免費換領！

「暴龍龍躍開運年宵」詳情

日期：2024年1月18日至2月13日

• YOHO MALL I：2024年1月18日至2月13日

• YOHO MALL II：2024年1月18日至2月9日

＊2月7至9日 （年廿八至年三十）或將延長開放

時間：11am-9pm

地點：YOHO MALL I （地圖按此）及 II 中庭（地圖按此）

大佬好嘢@機動娛樂 x YOHO MALL 「猛龍個 MALL」及「My Only Store」大佬好嘢期間限定店詳情

日期：2024年1月18日至2月13日，2月7至9日 （年廿八至年三十）或將延長開放

時間：11am-9pm

地點：YOHO MALL I （地圖按此）及 II 中庭（地圖按此）

更多相關文章：

2024龍年｜12生肖旅遊方位運程（上）！屬蛇小心被打劫、屬羊注意飲食、屬雞易有豔遇

2024龍年｜12生肖旅遊方位運程（下）！屬鼠避免高風險活動、屬虎宜長途旅行、屬狗外遊化解破財

新年好去處2024｜MegaBox中日合壁 日籍設計師打造招福貓吉祥賀年裝置！限定店獨家發售日本精品

香港迪士尼龍年新春活動「奇妙年年」！多款特別版精品、賀年禮品登場 郎朗1.27首度演奏迪士尼經典歌曲 票價詳情

香港好去處｜室內大型衝浪場「浪谷」1月登陸啟德AIRSIDE！每人$300起任玩2小時 過萬呎滑板衝浪場、島嶼主題餐廳酒吧

香港好去處｜麗豪航天城酒店「零房價」住宿優惠！12.28 9pm開賣 房價100%回贈餐飲額 大嘆熟成牛扒/高級中菜

Glamping推介｜打鼓嶺全新Glamping營地人均$400起！星空透明波波雪屋、寵物友善露營車、270度景觀露營艦艇

香港好去處｜沙頭角禁區一日遊7折優惠！每人$348起 暢遊沙頭角10大景點、中港邊界酒樓食盆菜、坪輋摘士多啤梨

演唱會2024｜香港、澳門演唱會/粉絲見面會時間表（持續更新）門票價錢／購票網站／場地資訊／交通優惠

梅艷芳逝世20週年｜「絕代芳華・梅艷芳」特展 香港文化博物館免費入場！展出《第十二屆東京音樂節》TBS獎獎座、主題古董巴士